... الزواج عــلــــى الطــــريـــقــه المـــصـــراتـــيــــه ...

:دئئ:

( الزواج على الطريقة المصراتية )

الفصل الأول :

الزمان : الساعة العاشرة صباحا ً أو الخامسة مساء ً أو التاسعة ليلا ً ، في أي يوم من أيام الفصول الأربعة .
المكان : أي محلة من محلات ذات الرمال مصراته .
ــ طق .. طق .. طق .. خير مرحبا .. هذا حوش ( فلان الفلاني ) ؟ .
ــ إيه هذا حوشه .. تفضلي .
ــ إحني عيلة فلان ، قالولنا عندكم بنت اسمها سالمة .
ــ سالمة بنتي يسلم زويلها .. متخرجة من الجامعة السنة إللي فاتت .
ــ نبي نشوفها .. جيت بيش نخطبها لولدي سالم .
ــ تفضلي .. أهلا ً وسهلا ً .. رو..رو..رو.. ، ياسالمة تعالي سلمي علي خالتك الحاجة .
ــ ماشاء الله .. ماشاء الله .. حويتة وخميسة وقرين علي سالمة .
ــ ولدك سالم ياحاجة .. شنو يخدم ؟
ــ دكتور ياأوخيتي .. وعنده حوش جديد وسيارة .. ومتحصل علي بعثة للخارج بيش يكمل قرايته .
ــ ماشاء الله .. ربي يدوم علينا علينا الهني .. رو..رو..رو..
ردي علينا ياحاجة الأسبوع الجاي .

الفصل الثاني :

ــ ياحاج .. عيلة ( فلان ) جو خطابة.. يبو سالمة لولدهم سالم .. شنو رأيك ؟
ــ هم عيلة باهية .. قوليلهم موافقين .

الفصل الثالث :

بيب .. بيب .. طاق طرباق .. رو..رو ..رو ..

الفصل الرابع :

قبل مايتم شهر العسل اكتشفت العروس إن العريس الصقر سالم لادكتور ولاهم يحزنون ( مستواه العلمي ثانية إعدادي )
وحوشه الجديد عبارة عن غرفة مترين في متر في حوش أهله ..
وماعنده إلا رينو 11 مقيحة ..
أما البعثة فكانت موجودة فعلا ً لكن للهيشة الجديدة ماشي بيزور خواله غادي مش للخارج ..
خخخخخخخخ .. رو .. رو .. رو .

:54:

هههههههههههههههه هدا كله اهمال من العيلة المفروض يسأل عليه اكويس مش لما عرف انه دكتور طول وافق :14:

:54:

مشكوووووووووورين :+-:

على مروركم الحلوووو

طبعا مش كل العائلات هكي بس الاغلب

ههههههههههههههههههههههههههههههههههههههههههه

وفي النهايه كل شي نصيب

واللي كاتبه ربي لينا مرحبتين بيه

والحمدلله على كل شي وعلى كل حال

موفقين كلكم

ومشكورين على متابعتكم وردودكم الحلوه وعلى اهتمامكم بارتقاء المنتدى


سلام

لا اعتقد ان فيه ناس تكذب في هذه الأمور

وحتي اسرة البنت تستاهل مفروض تسأل عليه قبل

تحياتي

والله القصص هذى نسمع بيها,بس من النادر وين تصير,لان توا الناس واعية اكثر من قبل..
ومشكورة على الموضوع..