الرد على قصيدة مانك غالى

23/7/2010, 12:50 pm

قال الشاعر

مانك غالى ......... ننسى غلاك ونعلن استقلالى

من يوما معاى خطيت

يرد عليه عناد الشوق

نلقنه غالى ........نكمى غلاه ونعيش صايف حالى

وما نبدله

ما ندير غيره حــــــــــــــــــــــــــــــــد

نصون الغلا فى خاطرى من جــــــد

وحتى انكانه بعيد عنى بعـــــــــــّــــد

نكميه دايا بالهموم انشــــــــــــــــــالى

ولو طاريه بقسوة معاى شــــــــــــــد

ندير العزم ندعى الكريم العــــــــــالى

الجدبد ما انديـــــــــــــــــــــــــــــــــره

ولا ندير بعده صوب نعشق غيــــــره

نرضو بقسم الله وبتدبيــــــــــــــــــره

واللى انكتب مقسوم قبل وتــــــــــالى

لانى ردى ولانى عطيب الشيــــــــرة

ولا ندير ثوب من الرقيـــــــــع البالى

جرحى جار مـــــــــــــــــــا لقوله دواء

حياتى كتاب عنوانه الشقـــــــــــــــــاء

زها سطرين والباقى عـــــــــــــــــــزاء

جرح وموح وسهور الليــــــــــــــــــالى

كلام عذاب بحروف البـــــــــــــــــــلاء

بروحى على روحى نصّبر بـــــــــــالى

العين باكية وتنـــــــــــــــــــــــــــــــوح

من جرح جرجر جرح صارو جــروح

جروح ماكنة شقيت معاها الــــــــروح

بعد الزها يا عين شنهو جـــــــــــرالى

واللى جرى مكتوبلى فى اللـــــــــــــوح

مقسوملى ولو كان ما يحـــــــــــــلالى

ويقعد غالى ....... نكمى غلاه ونعيش صايف حالى

وما نبدله

23/7/2010, 1:03 pm

رددد قوي عناد للغايه

عطيك الصحه اوخيي

23/7/2010, 1:44 pm

تسلمى سراب

كلك ذوق

23/7/2010, 5:43 pm

الجدبد ما انديـــــــــــــــــــــــــــــــــره

ولا ندير بعده صوب نعشق غيــــــره

نرضو بقسم الله وبتدبيــــــــــــــــــره

واللى انكتب مقسوم قبل وتــــــــــالى

ايوااااا هذاااااااا الرد ولا بـــــــــــــلاش ~~~ صحيت شاعرنا وصح لسانكـ