سؤال يدور برأس كل فتاة ونريد الأجابة من الشباب

لماذا أيها الشاب تفضل أن تقيم علاقة مع البنات قبل الزواج وتستمر أحياناً العلاقة بينكم لمدة تصل حتى أكثر من خمس سنوات ولكن !!!!! بمجرد أن تفكر بالأرتباط وناوى تتزوج وتستقر لاتأخد البنت التى كنت تصاحبها وأنما تفضل أن ترتبط بغيرها وعلى أن تكون هذه الفتاة التى تنوى الزواج منها لاتعرف أحد قبلك أى عمرها ماكلمة شاب فى حياتها ..يعنى جميع الشباب لاحظتهم أنهم يطبقون جملة حلال علينا حرام عليهن .
ياريت كل شاب فى المنتدى يشارك ويعطى رأيه بصراحة وشجاعة .

صباح الخير عالجميع

مشكور لك من شارك وأبدء برأيه..

انشـــــاءالله ربى يحفظـــــــكم ...

مشكور أخى عذاب الروح عالمشاركة وأنا أحترم رأيك
بس بأعتبارى أنثى ومحاميه فمن حقى أن أدافع على البنات
بالعكس البنت لما اتحب اضحى على خاطر الشخص الى تحبه
وتتحدا الدنيا كلها على خاطره وأحياناً تزعل منها أهلها وتوافق عليه حتى لوأن أهلها معارضين
وأذا اضطرا بها الأمر تسيب حتى بيت أهلها على شانه
لكن الشاب أول مايعارضوا أهله على البنت الى يقوللهم أنه يحبها ويبى يتزوجها وبمجرد رفض أهله يسلم ويرفع الرايه البيضاء ويسيب البنت الى كان ايحبها بحجة أهله رافضينها
يعنى أنا بصراحة لعند الأن مامرتش عليا قصة أن شاب تزوج من غير رضا أهله
بس سمعت هلبه قصص أن بنات تزوجو من غير رضا أهلهم ،نعرف أن هذا غلط
بس حبيت أنوضح للشباب قداش البنت اضحى على خاطرهم ..
باأمكانك ياأخى عذاب الروح تقرا قصتى حكيت عليها فى قسم قصص حب حزينة وحتشوف أنى عندى الحق فى كل كلمه قلتها ..مع أحترامى لرأى الجميع ..

صباحك ورد ومشكور محمد على الرد وأنا أحترم رأيك
بس خلينى أنقولك أن 99% من البنات معادش ايهمها الفلوس والماديات
لاحظ أنت كيف البنت لما تنخطب وبتتزوج ترضى تسكن حتى فى حوش بالأيجار
يعنى لوترجع شويه لخمس أو سته سنوات ماتلقاش بنت ترضى تسكن بالايجار
بس توا بديت عندها عادى يعنى شوف التضحيه تسكن فى بيت مش ليها ،
وأنا أول البنات اللى مكانش همى الفلوس يعنى أنى لما درت علاقه كنت مستعده نسكن معاه فى بيت أهله يعنى تخيل بنسيب طرابلس وبنسكن فى مصراته وبنبعد على أهلى على خاطره باش تعرف بس مكانش همى الماديات ...
وبعدين قولى يامحمد كيف تبينى ندرس العلاقة من الأول يعنى شخص يحلف بالله أنه مش راح يسيبنى ويجى على خاطرى شبه يومياً من مصراته لطرابلس وأنت شوف المسافة كيف بعيده وتبى الحق أنا مصدقاته أن أهله معار ضين لأنه لما خطب قريبته والله بعدها سيبها على خاطرى بس أنا رفضته لأن المفروض ماسيبنيش من الأول ..وحلفت معاد نرجعله لأنه سقط من عينى وأنا أمراه لاأنحنى لكى أأخد ماسقط من عينى أبداً ..
مشكور مره تانية أخى محمد والله نحترم رأيك ورأى الجميع ..

مشكورلكل من شارك وأعطى رأيه وأنا شخصياً أحترم وجهة نظركم .

أنتى اللى منوره سروبه .

مشكور محمد بس خلينى انقوللكم ياشباب تستاهلوا تاخدوا جائزة الأوسكار

لأنكم كلكم بارعين فى التمتيل كلامكم مع البنات ينقط عسل تعيشوها فى حلم وردى

وماتقدر البنت تعرف أنكم اتمتلوا عليها اتصدق كل كلمه تقولوها لأن قلبها طيب بس أنتم قلبكم زى الحجر .

لذلك انقول للشباب برااااااااااااااااافو ياممتلين

الصراحه السؤال هذا مدارش برأسي ~~~ وعمري مافكرت فيه


لأن عندي ثقه بالشخص اللي نرتبط بيه نفس ماهو واثق في


صحيتي طرابلسيه

لالالا ياسرااااااااااااب في ونص

انت غير دوري كويس

نوسه بالك هذا عندكم انتم بس عت درنه

ياودي احني هنا ماقابلونيش

نحن كيدنا عظيم !!!!!!!!!
بس أنتم الشباب مثل العنكبوت تنصب شباكها وأول ماتوقع الفريسه تنقض عليها من غير رحمه .

وعندكم خمسة جمل حافضينها أول ماتشوفوا البنت وتبوا تتقربوا منها

تقولولها عجبتينى- صوتك حلو - بنتزوجك -عندى سيارة وبيت -

لازم تطلعى معاى ونشوفك باش انهدرزوا ونتعرفوا على بعض أكثر.

يالله الكلام هذا وين متعلمينه فى أى مدرسه تقروا فيه .
أههههههههه منكم ياممثلين ..

والله اصدقتى ياسرررررراب
معادش تقدرى تعطى تقه فى أى شخص فى زمانه هذا .

مشكورين ياحلوين على الرد مع أحترامى لرأى الجميع .
مووووووووووورين .