على خـــــــاطرها ... للشاعر :محمد الشيخي..

5/6/2010, 7:29 am

بسم الله الرحمن الرحيم

هذة القصيدة لشاعرنا المبدع محمد الشيخي من مدينة بنغازي
________

القصيــــــــدة تقـــــول :

عـــلـــي خــاطــرهـــا *** العين ياللّـي شالـت امعـاك نظرهـا

تـواضــع الـهــا وانـشــد........

تـواضــع الـهــا يـاغـالـــــــــــــــــى *** عليها عليش ابغطرسه متعالــــــــــــــى

ما تريـد تبقـى كـل يـوم اتشالـــــي *** وراك وانت مو حاسب احساب ضررها

العين فارقت مامـن اوجـوه غوالــي *** وكم جرح من جـر الغـلا ساطرهــــــــا

تـواضــع الـهــا وانـشـدهــــــــــــــــــا *** وسيـب اللـي قدامـهـا وبعـدهـا

وهيت م الكلام اللـي انجـا يسعدهـا *** حتـى والوجـوه اتبـان بموايـرهـا

مانـك اللـي كـي لولـى زاهـدهــــا *** وساحـب مع الدنيـا ودوج بشـرهـا

ولا نك اللي كي لولـي جاحدهـــــــــا *** حكاية غـلا شـارب قطيـر زهرهـا

واليوم من جفاك ومن عكاس سعدهـا *** العين ضاع يابسها وضاع خضرها

تـواضــع الـهــا كنـيـــــــــــــــــــــبـهـا *** ايروق بالهـا بالـك ايخـف نحيبهـا

لاجل سريبـك يـا عزيـز سريبهــــــــا *** مشغال سر طربتها و سـر , كدرهـا

لوكان تلقطـه مـن فجرهـا لمغيبهــا *** تذكـارك دوا فـى لولـه وآخـرهـا

واليوم مى علـى بالـك ولا تدريبهـــــا *** ولا نك اللـي فـى حالهـا ناكرهـا

روف ابـــحـــالـــهـــــــــــــــ ـــــــــــا *** وتواضع الهـا ونشـد ورد اسوالهـا

ولا تـريـد تبقـالـك ولا تبقالـــــــــهـا *** الدنيا فنـت واجـد ..قديـم جررهـا

ولاانقـولـك عيـنـى دوا تلقالـهـــــا *** مامـن اللـي فيهـا جـرا وقهرهـا

ماعمر شى ردن اعطـاش ارسالهـا *** شراب سيلها عـم الابيـار غمرهـا

ولاعمـر حطـت عالهزيـل اثقالهـــا *** ايشيل غير فالحمل الثقيـل ظهرهـا

ومقاديـر مازالـن اعـزوم اجمالهـا *** اشـداد فالشدايـد كل شـى تقـدرهـا

تـواضــع الـهــا واحكيـلـهـــــــــــــــا *** وجود بيش ماتقدر ابها واصغيلهـا

واحسـب مقاليـب الايـام وميلـهــــا *** واعـرف البـذره قبـل مـا تبذرهـا

ونكان مي على بالـك العيـن دليلهـا *** ايعاود على قولـت بعـد خطّرهـا

عـــلـــي خــاطــرهـــا *** العين ياللّـي شالـت امعـاك نظرهـا

تـواضــع الـهــا وانـشــد......
______________________________

تحيـــــــــاتي لكم ...

5/6/2010, 9:31 am

شعر سمح والله شكرا يااحمد

5/6/2010, 10:09 am

مشكور احمد كلمات رائعه تقبل مروري خلود

6/6/2010, 3:12 am

شعر خوي احمد ويلي فوتك ومايدوركش مادوره سلم اوخي

صحيت

9/6/2010, 12:03 pm

شكرا لكم // كيف الدوه يا حمادي لا ماايصير منه الكلام هذا هاهاهاهاهاهاهاها انا اللي نبيه انشاءالله
ماانرقد بلاه يعني اللي نبيه كان من مكتوبي ناخده ناخده //شكرا عالنصيحه

10/6/2010, 4:38 am

روف ابـــحـــالـــهـــــــــــــــ ـــــــــــا *** وتواضع الهـا ونشـد ورد اسوالهـا

يسلموووووووو احمد على الشعر الحلو

10/6/2010, 6:06 am

باهيربي يهنيك بيه خوي

12/6/2010, 12:42 am

حلوو .. مشكور أحمد

شعر سمح

5/7/2010, 7:24 am

شكرا لكم

على خـــــــاطرها ... للشاعر :محمد الشيخي..

على خـــــــاطرها ... للشاعر :محمد الشيخي..

Re: على خـــــــاطرها ... للشاعر :محمد الشيخي..

Re: على خـــــــاطرها ... للشاعر :محمد الشيخي..

Re: على خـــــــاطرها ... للشاعر :محمد الشيخي..

Re: على خـــــــاطرها ... للشاعر :محمد الشيخي..

Re: على خـــــــاطرها ... للشاعر :محمد الشيخي..

Re: على خـــــــاطرها ... للشاعر :محمد الشيخي..

Re: على خـــــــاطرها ... للشاعر :محمد الشيخي..

Re: على خـــــــاطرها ... للشاعر :محمد الشيخي..