بينه وبينها / غناوى علم

4/4/2010, 11:43 am

غناوى علـــــــــم

بينه وبينها / غناوى علم _47411_SherrawasLibya2

بينه وبينها غناوى علــم

الشاب : سلام على بنت الاجواد ......................

الفتاة : سلامك تمكن واعظامك ارتكن وستين غناوة عـــلم

على صوب العزيز ايبكن

الشاب: عليك خاطرى مجروح ويا عزيز نا ويش درتلك

الفتاة : مرزى العقل كامى داه من خوف يشاكيك تنكــــــره

الشاب : عليه ابشرى يا عين عزيز كان مرهون وفـضـــى

الفتاة :انخاف يا عزيز عليك اندير كبد تلوى ايدى بهـــــــا

الشاب : على عزيز داير كبد وهو على ما با ايديرهــــــــا

الفتاة : على عزيز عندى كبد حتى ونا نوارى هى ذايبـــة

الشاب : مقسى كبودهم ياعين اللى عليك ما بو ينشــــــدوا

الفتاة : انحايل امغير اوحلت مع عزيز كبدى ذايبــــــــــــــة

الشاب : ذايبة يا بعيد عليك الكبد نين روحى تالفـــــــــــــة

الفتاة : فى الكبد نازلين ابثقل اعزاز نين فى دمى جــــــرو

الشاب : حنونة ودارت كبد على عزيز يا عين ابشــــــرى

الفتاة : ولو كان يا عزيز يا عزيز تجى وتمسح اريـــــاف

كبدى الذايبة

الشاب : بلاك ما انريد انعيش نفداك بالروح يا عـــــــــــلم

لا تايسى يا عين فرج الله ما ريت ما اقربه

4/4/2010, 1:00 pm

ولو كان يا عزيز يا عزيز تجى وتمسح اريـــــاف

كبدى الذايبة

لا تايسى يا عين فرج الله ما ريت ما اقربه

روووعة ماشاء الله يسلمو ياعنوود غناوات مش عاديات

وحدة احلى من التانية