شوية نكت بالمصري ........ههههههه

15/11/2009, 9:41 am

واحد ماشى مع خطيبته واخر انسجام

فقالها "عارفة ايه هو الحب واية الجواز؟"

قالته "لا" ‏

قالها: "الحب زى النجوم الجميلة اللى فى السماء "

قالتله "طب والجواز؟"

قالها:"دى الحفرة اللى ‏واحنا بنبص على النجوم بنقع فيها

**********
واحد متجوز وقاعد في البيت وبيبص كتير في عقد الزواج

مراته قالت له: "بتبص في عقد الزواج ‏ليه يا حبيبي؟"

قالها: "مش عارف يا حياتي المأذون كتب تاريخ انتهاء العقد فين.

**********
‏ واحد نشر في إعلانات مبوبة :

مطلوب زوجة

تاني يوم جاله 100 جواب فيهم نفس الرد:

تآخد ‏مراتي!!؟؟؟؟؟؟؟؟؟

**********

واحد قاعد في أمان الله بيقرا الجرنان،

وفجأة جت مراته وضربته بغطا الحلة فوق دماغه .. ‏طررااااااااااخ

الزوج: "فيه ايه يا بنت الحلال؟ ليه كدا؟؟؟"

الزوجه:"ايه الورقه اللي في جيب بدلتك ومكتوب عليها "سوسو"؟؟"

الزوج: "يا بنت الحلال، ده أسم الحصان اللى بنشجعه في السباق"

الزوجه صدقته وراحت لحالها...

بعد يومين الزوج قاعد في ‏أمان الله يقرا الجرنان،

وفجأة جت مراته وضربته بغطا الحلة فوق دماغه .. ‏طررااااااااااخ

الزوج: خير يابنت ‏الحلال في ايه تاني؟؟

الزوجه: حصانك على التليفون

************ *******
مرة واحدة قالت لجوزها "إهدى حبيبى كدة وأرجع زى زمان"

الراجل طلقها ورجع لأيام العذوبية !!!!!!!!!!

مدرس رياضيات اتجوز مدرسة رياضيات

خلفو ولد شبه منحرف

وبنت دايره على حل شعرها

**********

واحد بيقول لمراته : انا النهاردة عايز رومانسية فى البيت
راحت الزوجة سألت امها : ايه هي الرومانسية ؟؟

الام : مش عارفة بس احتياطى إنقعى الرزّ !!!!!

***********
واحده وحشه بتقول لجوزها: بكره عيد ميلادى .

قالها : هنقف دقيقتين حداد

***********
مره واحده بتقول لجوزها "تصدق إن أنا كل يوم بحلم بيوم جوازنا"

قالها "هى لسه الكوابيس دى ‏بتجيلك؟ "

مرة واحد قال لصاحبه "عاوز أعمل لمراتي مفاجأة فى عيد جوازنا"

صاحبه قالوا هتعمل إيه؟" ‏

قالوا "هوديها الصين"

قالوا "يا راجل فى عيد جوازكوا العاشر توديها الصين، أومال فى عيد ‏جوازكوا الخمسة وعشرين هتعمل ايه؟"

فقالوا "هروح اخدها"

مرة دكتور دخل عنبر فى سراية المجانين لقى واحد بيخبط دماغه فى الحيطة

سأل الممرضة ماله ده ‏؟

قالت: أصله كان بيحب واحدة ومتجوزهاش ..
دخل العنبر الى بعده لقى واحد بيضرب نفسة ‏بالشبشب

قالها وده ماله

قالتله اصل ده الى اتجوزها‏ !!!!!!!؟؟

***********

واحد بيقول لخطيبته لما ازمرلك انزلي

قالتله هو انت اشتريت سيارة

قالها لأ اشتريت زومارة .. هههه

***********

الرجل: انا عايز حاجه تهدي اعصابي يا استاذ
المحامي: لكن انا محامي مش دكتور..
الرجل: بس إنت اللي تقدر تطلقني من مراتي!!

20/11/2009, 12:57 am

هههههههههههههههههههههههههههههههههههه حلوات

يسلمووو جيمي

1/12/2009, 7:11 am

نكتك مكررهن فابناخد الموضوع اللي رادين عليه اكثر وبنحدف هذا عشان مش رادين عليه واجد

مشكور عالمجهود

[You must be registered and logged in to see this link.]

شوية نكت بالمصري ........ههههههه

شوية نكت بالمصري ........ههههههه

Re: شوية نكت بالمصري ........ههههههه

Re: شوية نكت بالمصري ........ههههههه