وداعااااا بااااى...وكمل طريقك يا عزيز بلاى

السلام عليكم ورحمة الله وبركاته



وداعااااا عدى

كان خاطرك ترحل بعيد اتعدى

لا نجبرك عن شى وانت ضدى

ولا نقولك ابقى اليوم امعاى

من يوم يومى كل شى فى يدى

طاير او رايح ما يريد هواى

ياعين لا تبكى ولا تجدى

اللى بدلك ايعوضه مولاى



ودااااع او صار

ورحلة طويلة انتهت بامرار

حاولت نذكر معاه شن صار

بلكى امقصر وين كان احذاى

وحاولت نبحث ما لقيت اعذار

مظلوم يمكن وعندا الحق امعاى

وحاولت نحكيلا جميع اسرار

لكن الباين ما يريد غلاى




ودااااع او تم

وماعاد يجمعنى معاه ملم

الوقت والدنيا اهموم او هم

والبخت عندى كيف كل اعداى

والفرح غايب فى بداله الغم

عايش معايا فى الزمان احذاى

لوطاح ساسى فى الوطا انهدم

ماهى غريبه ديما اتصير امعاى


وداعااااا باااااااااى

مشكورة اخت مصراتية ع الكلمات الحلوه
تقبلي مروري والمزيد من التألق في سماء الأبداع

حرة وعزيزة يا عسل مصراتية

بقولتك من يوم يومى كل شى فى يديا

دمتى عزيزة

ياااااااااااااااااااااااااا نعــــــــــــــــــــــــــــــــــــــــــــــــــــلاي ايخوخمـ يهبل شنووو هذا

تي مش عااااااااااااااااادي بكل

مصراتيه يا عســـــــــــل نجكـ لي وخـــــــــــــــــــــلاص ~~~~