تمـ تسليمـ الرساله

2/9/2010, 5:15 pm

الســــــــــــــلامـ عليكمـ يا أحلي أعضااااء

معااااي اليومـ امويضيع اصغيرون اصغيرون وهو ببساطه (( رسائل الموبايل ))

نبي نقصقصكمـ اشوي وعلي راحتكمـ اللي يبي يجااوب يا هلا بيه واللي ميبيش يجاوب برضوا يا هلا بيه

توه يا حلوين لما تمسكـ موبايلكـ وتبي ادز رساله لصاحبكـ لقريبكـ لأي شخص يعني

شنو تحس ~~~ نقصد ان الكلامـ اللي الرساله صح يعبر علي تحس بيه أنت أتجااه هالشخص

امـ هي فقط للتواصل ولانها عجباتكـ فقلت هيا اندزهااا بـ 500 درهمـ ماتسوي شي

يعني غير (( مجاملات × مجالات ))

أمـ قلت اندزها علشان هالشخص يدزلي رساله (( لاني بصراحه نبي رسائل جدد))

أمـ انت فااضي ومكسد فقلت هي اندز هالرساله بلكي نغير جو اشوي

أمـ دزيت رساله علشان متبيش صاحبكـ يزعل منكـ ويقول لكـ زمان فايتني

آمـ انت دزيت هارساله لآنكـ صااح تحس أن كلماتها معبره جداً وتعبر مابداخلكـ أتجاه هالشخص

آمـ رصيدكـ واااااجد ومش عارف شنو دير بيه

آمـ ........................................... طبعا لو عندكـ أجابه غير ما ذكر تمـ تسليمـ الرساله 488160

2/9/2010, 5:20 pm

ههههههههههههههه موضوع فعلا صغيرووون بس اكييد حلو

بصراحة انا تليفونى مانندري عنه كان رن وسمعته انجيه وكان هاذا مرمى

بس مرات على الفضوة ناخده ونبعت مسج لصاحبتى بس اكيد اتكون الكلمات معنية

وانا حاستها ومرات نبعت لانهم بعتولى اتكون ماشية مع رسالتهم

على حسب المووود تبعى وبس

شكرا نوووسة

2/9/2010, 5:30 pm

سؤالك خطيــر .. هههههههههههه

تي شن بنقولك .. يا حنه اني صحباتي صحباتي اللي ديما نمشوا وانجوا لبعضنا

وانكلم فيهم وونتلاقى معاهم مانبعتلهمش في رسائل الا قليل .. متلا مسج سمح ولينا فتره

معاش تلاقينا لا كلمنا بعض نبعتهلهن كلهن .. هههههههه

والبنات اللي نعرفهم خير خير وجو رنات .. نبعتلهم لما يولني مسج سمح ولا نبي مسج سمح ^_^

ومرات نقعد مكسده ورصيدي واجد نفتح الرسائل ونبعت

ومرااااات هيا رساله سؤال نقعد انراجي في الرد من صاحبها

ومرااااات ماخاطريش انكلم نقعد انهدرز مع صحباتي بالمسجات ..

ومرات يا حنه مانبعتش رسائل .. كان عندي رصيد انشد نقالي واندور حد نشاد عليا انكلمه وانهدرز عليه

وهكا هوا اضني ... ههههههههههههههههههههه

نايس نوسه .. صحيتي

وانتي قوليلنا شن اديري ؟؟

2/9/2010, 5:55 pm

انا جو الرسائل نحبه واجد

بالذات في العرايك والجو هذا

يعني مراااات اندير عركه مع صاحبتي او مع بنات خالاتي بالمسجاااات واللي يكمل رصيدها معناتها خسرت وعلن الانسحاب

ومرات ندز رسائل بمعني (( يا عرب هووو وينكمـ )) هذه لو حد لي فتره عليه

ومرات اندز رسائل بمعني (( كان عندكـ مسج سمح دزه لي ))

ومراات ندز شتاوااات نحبهن واجد ونكتب اخر الرساله لو شاطر رد علي

وديمه ندز نكته في المسج هههههههههههههههههههه

وطبعا رسائل التهنئه والمعايده والجوووو هذا

تمـ تسليمـ الرساله 488160

2/9/2010, 5:57 pm

عجبني جو العرايك امتاعكم

هههههههههههههههههههههه .. بنديره شكلي

2/9/2010, 6:06 pm

ههههههههههه فيه جو سمح

مره تكيت عركه ببصاره مع صاحبتي

المهم من مسج لمسج وانا اندز وهي ادز مره انا نهزبها ومره هي

هكـ لين كمل رصيدي

وهي مازلت ادز في هالهزايب

قلت معاش فيها خذيت موبايل خوي وحولت منه رصيد وكملت العركه

في النهايه دزتلي مسج وقالت اوكي نعلن انسحاااااابي رصيدي كمل ههههههههههههههههههههههههههههه

2/9/2010, 6:08 pm

ههههههههههههههههههههههههههههههههههههههههههههههه

مجرمه .. هههههه عليك جوو

3/9/2010, 11:33 am

لنقنه الا امويضيع ايهبل واصغيرون وسمح وعجبني

اما بالنسبه ليا انا

اندز في رسائل اكثر شي لان في حد دزلي لاني مااانحب حد ايدزلي رساله وماانرد عليه

هذا اول شي

وثاني شي اانهدرز مع صاحباتي بالرسائل يعني رسائل هدرزه عاديه هدي ديمه بالشعر بالخمستاش رساله يوميا

وثالت شي رسائل المعايده في كل مناسبه لكل المقربين اندز سواا دزولي سواا مادزوليش

ورابع شي انا لما نستاحش حد او لما نلقى رساله سمحه وتعجبني ونعرفها اتليق على شخص اندزها

وبس هذينه اسبابي في البعت

وشكرا يا سموحه

3/9/2010, 3:33 pm

نورتي حبوبتي

3/9/2010, 4:04 pm

النور نورك نوسه

تمـ تسليمـ الرساله

تمـ تسليمـ الرساله

Re: تمـ تسليمـ الرساله

Re: تمـ تسليمـ الرساله

Re: تمـ تسليمـ الرساله

Re: تمـ تسليمـ الرساله

Re: تمـ تسليمـ الرساله

Re: تمـ تسليمـ الرساله

Re: تمـ تسليمـ الرساله

Re: تمـ تسليمـ الرساله

Re: تمـ تسليمـ الرساله