سؤال يحتاج اجابة من الاناث فقط ??

هههههههههههههههههههههه شن هالموضوع الصقوعـــــــــــــــي يا سراب من وين جايبته يابنت

تبي راي في الرجل الريااااال الزوووووووووول لكـ عيوني لكـ أنت غالي والطلب رخيص

خوذي عندكـ الرجل وما ادراكـ ما الرجل

يعجبني في الراجل حاجات واجد وخليني نحكي عالراجل الليبي بالذات تعجبني فيه المروه والشهامه ~~ الاعتزاز بنفسه وان كرامته فوق كل شي ~~ يعجبني في الراجل انه يبني روحه بروحه
وانه ماعنده ي مشكله يلبس الشي اللي يحبه يضحك بصوت عالي ~~ يقدر يعيط وما حد يقوله كنك شنو في~~ يطول شعره يحلقه اصلع عاااااي حاجه شخصيه وهو حر

يطلع اي وقت ويرد اي وقت
يعني عايش حياته بالطول والعرض ~~ ويعجبني فيه انه مايدقق علي كل شي بعكس البنات انهن يدققن في ابسط الامور

~~~~~~~~~~~~~~~~~~~~~~~
اما اللي مايعجبنيش في الراجل

هو مرات نحسه اناني واجد واهم شي هو العصبيه الزايده منحبهاش فيه ~~~ وانه ميحاولش يفهم القصه كيف ،،،يعني لو صار شي او اي مشكل يكتفي برايه هو وما يخذش ويعطي معاك

واللي متعجبنيش فيه انه مرات ياخذ امور البنات ومشاكلهن بلا اهتمام وبدون جديه

الشي الاخر منحباش فيه واجد واجد عينه الزايغه ~~ البصباص ~~ واللعب بمشاعر البنات
ومانحبش الراجل المعدوم الشخصيه واللي خاتم في يد زوجته
شنو اخري

منحبش الراجل البارد الاعصاب والمشاعر والبخيل لان بخل الراجل عيب كبير

منحبش الراجل الهمجي واللي يتلفظ بألفاظ قبيحه حتي ولو كان من باب البصاره والضحكـ

وااااااااااااااو سراب تعبت ومازلت ماكملت مازااال واجد خلاص هذا سااااااد

الرجل مهمممممممممممممممم بالنسبة للمرأه
فلاتستطيع المرأة العيش بدون الرجل مهما كانت شخصيتها قويه

وتشتغل وتقود السياره ...........الخ الا أنها تحتاج لرجل فهناك أشياء لاتستطيع أن تقوم بها

المرأة الا بوجود الرجل حتى يساعدها يعنى مثلاً لوتبى تبنى حوش ماتقدرش المرأة أن تحضر

عمال وتشرف على البناء من أوله لأخره هادى ماصرتش ........وغيرها

يعنى الرجل له دور كبير فى حياة المرأه بسلبياته واجابياته

وعلى قولت خواتنا المصريات ظل راجل ولاظل حيطه