قل لي من تصاحب أقل لك من أنت

23/7/2010, 11:52 am

السلام عليكم ورحمة الله وبركاته
ــــــــــــــــــــــــــــــــــــــــــــــــــ ـــــــــــ
تبنى العلاقات على أسس معينة ..زمالة أو قرابة
او صداقة ..أو غيرها من العلاقات التي تربط
الإنسان بمن يريد أن تكون علاقته .....
ولكن هناك عبارة تقول وأريد مناقشتكم فيها
" قل لي من تصاحب أقل لك من أنت "
يعني الحكم على الشخص بناء على من يصاحب
فأن كان الذين يصاحبهم صالحين وناس محترمة
نقول أنه شخص محترم ..وأن كان العكس ..
يعني يصاحب ناس لهم سمعة سيئة فالحكم عندها
أنه سيء ..على الرغم بأنه قد يكون شخص محترم
وأخلاقه عالية ..ولكن ربما يكون بحكم القرابة
أو زمالة الدراسة والجامعة أو حتى العمل ..يصاحبهم ...ولكن الناس سوف تحكم عليه من خلال هذه النظرو ..مع أنها قد تكون نظرة غير صحيحة وحكم غير منطقي .....
ولكم كل تحياتي

23/7/2010, 12:03 pm

لو كنت صالح ومعندكش عالوجيج المشاكل او الدخان وتبع واحد لو حتى كان يدرس امعاك وكان طيب وبعدها قعد من المتاعين الجو هذا واستمريت في صحبته حتبقى زيه لانه ظروري ميغير طبايعك ولو انت طيب ومش امتاع الجو هذا مش حتصاحبه ولا حترتاحله ومشكووووره عالموضوع

23/7/2010, 12:07 pm

مشكووووووور

رايك عالعين وع الراس

نورت

25/7/2010, 10:50 am

انا مااعتقدش مش شرط اللى انا انصاحبه نبقى زيه

كل واحد وطبعه وشخصيته

انا نتكلم عن تجربة انا صاحبت ناس واجدة بس عمرى ماتغيرت ومشيت

على طبعهم انا عندى قوانين وقواعد ماحد قدر ايغيرها فيا

يعنى لو كان هدى قاعدة فانا من الشواذ

يسلمو سروووبة

25/7/2010, 12:10 pm

وناا زيك ميس

الحمدلله صاحبت الزين والشين وعادي علاقتي بالاتنين اكويسه بس طبعا مع الشين بحدووود

وكل واحد واصله ومعدنه والمتربي متربي من حوش اهله

مشكوووره يا سمحه

26/7/2010, 9:37 am

يقولو الصاحب ساحب

بس انا انخالط في الجميع بس درجه علاقتي بيه تختلف من شخص لا اخر
وبعدين ما في حد يتاتر من صاحبه الا ادا كان ضعيف الشخصيه او عنده ميول للانحراف
بي العكس المفروض انت اتكون علي صح وانت يلي اتجر صاحلك ع الصح ادا كان هوا غلطان

يسلمو سرااااااااااااااااااااااااب

26/7/2010, 9:39 am

الله ايسلمك محمد وانا معاك

نورت

14/8/2010, 11:08 am

مش بالضروره اننا نتأثر بأصحابنا بالعكس كل حد وله شخصيه وله طريقه تفكير وله طابع يختلف عن الاخر انا نحكي عن عمرنا توه ~~~~ ممكن في فتره المراهقه كان الامر صعب شوي لان في هالفتره نتأثرو أكثر بأصحابنا

اما توه لا نحن علي درايه وين الصح ويين الغلط وشنو اللي يفيدنا وشنو اللي يضرنااااا

ومشكوره سراااااااااااب مواضيعك تهبل

14/8/2010, 1:23 pm

مسا الخير .. أنا مع محمد في اللي قاله .. يعني حسب شخصية الفرد . اذا كان ضعيف الشخصية
وقابل للضياع فمن البديهي انه ايضيع .. بس اذا كان صاحب شخصية قوية ومؤثرة علي اللي حواليه فبامكانه انه هو اللي يهديهم للصواب والصلاح ..وفي ادلة كتيرة علي دلك من واقع الحياة
وفي ناس واجدة كانت مضلولة وصاحبة كاس .واليوم هداها ربي وصارت مواضبة علي الصلاة

14/8/2010, 3:13 pm

برضو معاكم في رأيكم ميس وسراب ومحمد ونسرين والجبو

لو كان الشخص شخصيته ضعيفه ينجر ورا اصحابه اللي مش صالحين

غير هكي ما اضنش

صح الواحد يبتعد عن الناس اللي مش كويس احنسله عشان سمعته بالدات البنات

بس مش شرط اتصاحب حد مش كويس اتولي زيه

وهدا رأيي

صحيتي سروبتي يا الغلا

يسلمووو

16/8/2010, 2:07 pm

الله ايسلمكم ياغوالي

نورتوو بالهلبه

قل لي من تصاحب أقل لك من أنت

قل لي من تصاحب أقل لك من أنت

Re: قل لي من تصاحب أقل لك من أنت

Re: قل لي من تصاحب أقل لك من أنت

Re: قل لي من تصاحب أقل لك من أنت

Re: قل لي من تصاحب أقل لك من أنت

Re: قل لي من تصاحب أقل لك من أنت

Re: قل لي من تصاحب أقل لك من أنت

Re: قل لي من تصاحب أقل لك من أنت

Re: قل لي من تصاحب أقل لك من أنت

Re: قل لي من تصاحب أقل لك من أنت

Re: قل لي من تصاحب أقل لك من أنت