مربوعه التريس***يمنع مشاركه البنات ***

الله كام ماسك الشارع بطول وعرض

يا حسرة عليه وخلاص

يلا البوشعا يا
ههههههههه

شكلها المربوعة فيها غولة

ياريت نتعرفوا عليها تجيب جماعنها للمنتدى

راهو جوهم مليح

عليك مربوعه وخلاص خيركم ياشباب مكسدين

ومتهدرزوش مع بعضكم شنو متعاركين

يلا خشوا هدرزوا وقرموا شويه فى البنات

وهدرزوا على أخرأخبار النت والنقالات وأخر أنواع السيارات

وراكم تنسوا تهدرزوا على أغانى الرااااااااب والبوب ومسارى وايكون .
خاينه ومعاد انصافيك يلى خاب ظنى فيك لازم من بالى نمحيك ياالغداره .

عارفتكم الشباب اتموتوا فى الأغانى المغربيه والدزيرى على قولكم
مش حتنسوا تهدرزوا فيهم

تى وينكم ياشباب اهوا ساعدتكم وقلتلكم على مواضيع اتهدرزوا فيها ..

أنت اللى منور ياحسن والله المنتدى من غيرك مايسوى شى ..

وخيرك يامحمد تبى تهدرز عالكورة شنو ماعجبتكش المواضيع اللى قلتها

تى أما كورة أنى راهوا مانحبش ندوى عليها

خلينا انهدرزوا شويه على أخر أخبار الفنانين

قولى شنو تحب تسمع والا معندكش أذن موسيقية وماتحبش تسمع الأغانى

بالنسبه ليا أنى أنموووووووووووت فى أصاله هذا علاش حاطه صورتها

ونسمع لمسارى وبعض الأغانى المغربيه

ماعندهاش زهر فى الدنيا صغيره وراكبها الهم

وأكيد نسمع للعبيردى وفوزى المزداوى وليد التلاوى
ماتبكيش ياعينى على باعونى خلوا قلبى حزين بكوا عيونى .

شنو الجو ياعناد وينك هارب مسيب مربوعة التريس وماشى لمربوعة البنات

اقعد فى مربوعتكم معا دش تطلع والا انديرفيك لفت نظر عند حسن أنت وباقى الشباب

أسمع بالنسبه لسلام قدرى صوته حلو وأغانيه أحلى بس تبى الحق انحب نسمع للأغانى الشبابيه

زى ماقلتلك أنحب ونمووووووووووووت فى أصاله

ونسمع لشرين تهبل أغانيها ونسمع لنجوى كرم ونوال الزغبى

وأكيد لراشد الماجد وش جاه محبوبى مشى وخلانى مابين جرحى ومابين أحزانى واللى يسوى سواته ماهو عاقل يحبنى موت ويصاحب ثانى .

ونسمع لبعض المطربين من الشباب الليبى وبعض الأغانى المغربيه

ونسمع لمسارى وايكون وبعض أغانى شاكيره

شنو رايك عناد جو نسمع كوكتيل ليبى على شرقى على أجنبى على مغربى