خروج البنات مع الشباب

السلام عليكم

خروج الفتيات مع الشباب ظاهره انتشرت هالايام بكثره في بلدنا وخاصة انا احدد كلامي عن مصراته

يطلعن معاهم بمراكز عامة او يواعدوهم بالسر لاني حقيقة سمعت قصص اقشعر لها بدني لاحول ولاقوة الا بالله العلي العظيم

وغير هذي من البلاوي الللي نسمع عليها

س/ما هي الاسباب التي تدفع البنات عشان يطلعو مع الشباب

س/وكيف نقضي على مثل هذة الظاهرةفي مجتمعنا

ارجوو المناقشه في الموضوع

منور خوي ايمن بدايه موفقه

لو كل شاب يحط في راسه كما تدين تدان
ولو حط قدامه ربي وبعدين اهله ما يديرش حاجه زي هكي
طبعا اانا لا ابري نفسي عندي اخطاء بس عمرها ماوصلت لي درجه زي هكي


ربي يهدي الجميع

مشكور خوي

شكرا يامان امنور ياغالي وانا اسمي احمد مش ايمن نفس بعضهن وكلامك صحيح بس الشيطان شاطر ويااريت الكل ايفكر مثلك اخي محمد

لاحول ولاقوة الابالله العلي العظيم للاسف خوي أحمد الظاهرة هذي انتشرت بسرعة اللهم احفظنا ان شاءالله.
اسبابهايمكن حالة الكبت اللي عايشينها في حوشهم والحرمان وبعد الاهل عن بناتهم وعدم سماعهم ..ويمكن قضاء عليها بتوجيهم وفهمهم

تي سامحني خوي
والله كنت انفكر في صاحبي ايمن
ههههههههههههه
سوري
مان
تي قلتلك حتي انا مش كامل وربي يهدي الجميع وانكررلك اعتداري خوي

تي والله كلامك جواهر خوي الجبو

ربي يحفظك وخلاص

منور بش مهندس

كلامكم صحيح شكرا خوتي على المشاركه

س/ما هي الاسباب التي تدفع البنات عشان يطلعو مع الشباب

اغلب هل الاسباب هيا تفكك الاسره وعدم مسؤلية الاب والام في التوعه والتربيه السليمه لابناء


س/وكيف نقضي على مثل هذة الظاهرةفي مجتمعنا

اكيد عن طريق التوعه الدينيه والخلقيه ونحن في بلاد شريعة مجتمعنا القران


مشكور احمد بارك الله فيك وربي يهدي الجميع ان شاء الله خلود

بصراحه حتى اني شبه يوميا نسمع بالقصص هادي وانقول ديما زعما الكلام هذا حق

والحقيقه انه هو صح ميه بالميه لأني اني شخصيا نعرف شباب يطلعو مع بنات ونستغرب

وانقول هدين عائلاتهم ليبيه وحقيقه كذلك وانقول لا حول ولاقوه الا بالله


س/ما هي الاسباب التي تدفع البنات عشان يطلعو مع الشباب

اول شيئ بنضري هو صغر عقل بعض البنات لأنه لو كانت عندها شويه عقل راهي ماطلعت

معاه لأنه استحاله فيه شاب يرضى انه يتزوج بنت تطلع معاه مندون علم هلها وهو يضحك

عليها بحاجه اسمها حب وهذا السبب اكبر من اي سبب اخر واقواها وما الحاله العائليه

سببها ضعيف بالنسبه ليا لأنه فيه بنات علاقتهن كويسه وميه ميه مع اهلهن بس مع هذا

يطلعن

س/وكيف
نقضي على مثل هذة الظاهرةفي مجتمعنا

هي توعيه البنات توعيه جيده وتوضيح لهن بأن هذا الشيئ يتجه في عكس سمعتهن

وشكرا ليك خوي احمد منور واجد ع الموضوع

نحب نشارك لانه هالمشكله من الصعب محاصرتها وتتفاقم كل يوم من المراهقات وحتى العزايز واعتقد مالها حل لان على قولتكم الشيطان شاطر وهيا شماعة الاخطاء

وع وسونه

شكرا على تفاعلكم اخوتي واخواتي