ندعي 2010 نلقي الخير معاك

22/2/2010, 1:23 pm

بينى او بينك عشره.... صاعب على ننساك

ندعـــى ((2010)).... نلقــــى الخير معاك

لا ود كــيف ودادك

ولا انـمل فــى ميعادك

ولا انروق غير احذاك

عدا العام بسوه.... انسيت الزعل والشك

ومعاى زاد بقوه.... ودى او حنانـــــى لك

ياشى صعب او جوده

ياصوب فات احدوده

مالقيت من يــسواك

جانا العام او هل.... وروحك على عزيزه

ومازلت بين الكل.... فارق وعندك مـــيزه

كابر ف عينى ديمه

وعندك معايا قيمه

ولا صوب كيف غلاك

كل عام نفرح بيك.... ونقوك ياروحـــــــى

ياحلــم شفته فيك.... داوا جميع اجروحى

انسيت منك همى

وتميت ساكن دمى

ويصعب انعيش بلاك

للشاعر " نعيم الزوي