الراجل ما عيبيه شي..!!؟

19/1/2010, 11:01 pm

السلام عليكم
كثيرا ما نسمع هذه الكلمة,وكثيرا جدا ما يتم تدوالها فى اثناء الحديث,لكن معظم من يستخدمونها ينطقونها بسطحية دون التفكير ولو للحظة ما السبب الذى يجعل الرجل ما يعيبه شي..!!؟
عندما نقول الراجل ما عيبيه شي معناها خلينا نتناقشوا فى الموضوع بكل شفافية وموضوعية,ونغض النظر عن ما اذا كان المتناقش رجل او بنت,لكى ناخذ الموضوع بكل موضوعية وشفافية..!!؟

مثلا نعطو امثلة من الشارع الليبي,لما نجد ام فى اعمار تفوق الخمسينات واولادها فى سن الثلاثينات,وهى التى تشتغل وتجيب فى الخبزة وفى مصروف الحوش بصفة عامة,وهما مفيهم شي لا مقعدين ولا مرضي,لكن نجدهم يلازمون الفراش حتى الساعة الثانية ظهرا,وامهم المسكينة اللى ربت وخلتهم رجالة مازالت تعانى فى اعمال شاقة بالنسبة لعمرها,شنو انقول على الرجل فى هذه الحالة..!!؟

لما نشوف رجل مدمن مخدرات,وباع كل شي عشان ادمانه,حتى زوجته,فى الحاله هذى هل الرجل ما يعيبه شي..!!؟

لما نشوف رجل فى سن الثلاثينات ولا يستطيع علاج مشكلة بنت,الا بالضربالمبرح,اللى لا يتناسب تماما مع بنت فى سن الزواج مثلا..!!؟

انا جبت مثالين,وهما من الواقع والشارع الليبي,ويشهد الكل بذلك,نبي منكم انتم تفسير كلمة الراجل ما يعيبه شي,واتمنى ان يكون النقاش بكل حياديه..!!؟

20/1/2010, 1:29 am

امنور يا صاحبي على هذا الموضوع بس انت جبت امتلة من طرف واحد اي انك جبت السلبيات فقط من هذا المتل الشعبي بس انا ندكر بعض الايجابيات لهذا المتل ونعطيك متال بسيط متلا راجل شكله مش حلو او ان راجل صارله موقف ما ايقولك الراجل ما ايعيبه شي

نشكرك مرة اخرى عالموضوع تقبل مروري ولد_مصراته

20/1/2010, 9:28 am

^
^
شكرا اخى ابن مصراتة,ولكن الهدف من طرح المواضيع فى المنتديات اصلاح الجانب السلبي وليس الايجابي..!!؟

20/1/2010, 10:55 am

اولا مشكور خوى اولى وبارك الله فيك

سؤالك ماشاء الله اكتر من رائع

بصراحة وللاسف الشديد هذه الجمله اصبحت متداولة بين الناس بشكل فضيع ومش عارفة ليش

عشان اتبرر تصرفات الرجل المشينة وهذه الكلمة بدل ماتوقف البلا اتزيد فيه سبحان الله

ماتعرفش هو جهل من الناس او شنو بالضبط مافهمتش هو الراجل تلقاه رافع ايديه من كل شئ زى ماقلت المراة تصرف عليه عادى بس لما المراة ترتكب خطا ايجى ويري رجولته عليها اللى طلعت فجاة ولو هو دار الخطا الكل ايجى بصفه وايقولوا الراجل مايعيبه شئ

بس فى الحقيقة كلنا عند ربي سواء مافيش فرق اللى بيغلط بيتحمل نتيجة خطاه

تحيااااااتى

20/1/2010, 11:29 pm

والله هذي الاسطوانه الليبيه السمحه اللي نسمعوو فيها كان مش كل يوم في كل نقاش ضروري ماتنسمع

وبصراحه اني ماانتقبلها بكل يعني ليش الراجل ماايعيبه شي شنو المقصود

بالعكس هما هكي ايزيدوو ينفخوو في الاشكال اللي زي ماحضرتك دكرتهم

والمشكله اللي تقهر اكثر بعد يمشوو يخطبوو الاشكال اللي زي هكي اهل البنت ايوافقوو عادي

بحجة ان الراجل ماايعبيه شي وتو يتزوج ويعقل ويتصلح حاله تي هو ماتصلح وهو بروحه بدون زواج بيتصلح بعد مااتجيه مرااا خلاص اللي يبيه حصله

والله وشنو ومن من السبب مش معروف

اما النمادج اللي دكرتهم حضرتك انا انقول العيب من الاهل معقوله فيه اهل يرضوو ان اولادهم يقعدوو هكي

تي والله انتبرأ منه ولدي لو بيقعد بالشكل هذا وايعدي ايدور من يصرف عليه مش هكي غير ارقدوو بس

والبنت غير تغلط بس غلطه بسيطه راحت عليها مسكينه

ووووو حاله وخلاص

مشكور اولي موضوع غايه في الاهميه

23/1/2010, 11:20 am

أكره كلمة عندي هيا الراجل مايعيبه شي

شنو يعني فوق راسه ريشه ولا كيف صار

تي ماهو بني آدم حتى هوا ويغلط

مافيش حاجه اسمها مايعيبه شي

الراجل يعيبه شي والبنت ايعيبها شي

سوا سوا .. الزوز بني آدمين

وزي ماقالت ميسونة

كلنا عند ربنا سوا مفيش فرق واللي يغلط يتحمل نتيجة خطأه

غير الناس اتقول في اللي تبيه وخلاص من غير أي منطقيه في الكلام

ومن الاخير هدا مصطلح قديم

والناس كانت في حالة جهل وهكي

مش واجدين اللي متعلمين

والراجل اللي ايقول هكي عنده شعور بالنقص من وجهة نظري

مشكور اولي موضوع مميز وشيق وجميل

تحياتي

24/1/2010, 6:17 am

^

^
ميسونة,سراب,شوشو شكرا لكم جميعا,وردودكم صراحة اعطت الاضافة للموضوع,وخلينا نضيف لما رجل يكون فى سن الرشد وميصليش..!!؟

27/1/2010, 9:59 pm

والله مشكله هكي هو المفروض ايكون عارف واجباته وفروضه وهو رح ايكون في السن هذا قدوه لغيره

سواء ان كان خوته او الاده المفروض ايكون قدوه حسنه ويعمل لاخرته

وربي يهدي الجميع ان شاءالله

مشكور اولي عالاضافه

30/1/2010, 5:55 am

السلام عليكم
الرجل مايعيبة شيء ؟ كلام مجتمع منحاز لجنس الذكور . وهذا مبرر لآخطائهم وسلبياتهم من جميع النواحي ومما يجعلهم يتمادون في هذا ... هذا حرام وليس عدل وظلم وقهر للمرأة الضعيفة ويجعل المرأة تتنازل وتتحمل وتبلع وتكتم الواحدة تلو الآخرى هذة النظرة او الإعتقاد خطأ من جدورة
يعيبه مايعيب المرأة
وخاصتة تسرعة وعدم اتنزانه للأمور التي يتوجب عليه حلها بعقلانية الخ
يعيبة الغية يعيبه الكثير الكثير ولكن نحن نتجاهل لو دققنا لوجدنا الكير مايعيبة ويطمس شخصيته البراقة المزيفة
سلام

30/1/2010, 6:34 am

هدا كلام الجاهلية توا ياعالم في 2010 القرن الواحد والعشرون

الراجل ما عيبيه شي..!!؟ 54274

30/1/2010, 11:19 pm

^

^
شكرا اخت سامية,وطرابلس, وانا من اكثر الناس تعارضا امام هذا المثل, وكلنا محاسبون امام الخالق سبحانه وتعالي.. !

30/1/2010, 11:40 pm

اخى اولى كيف حالك

وما يتعلق بمقولة الراجل ما يعيبه شى فأنا دائما ما اضعها مع غيرها من الامثال والمقولات
الشائعة والخاطئة وفى رأى العكس هو الصحيح فالرجل مسئول بدرجة اكثر فى اعتقادى
فمسئولية حق القوامة تجعل عيوبه واخطائه مضاعفة علاوة ان الخطأ والعيب مفهوم واحد
لا يمكن تجزئته او تفسيره مزاجيا وصدقنى اخى اولى من يقبل بهذه الاشياء هو من نفس
الفصيلة فصيلة العيب والخطايا

وعموما مثل هذه المفاهيم البالية لا ولن يكتب لها الدوام
شكرا اخى اولى وبارك الله فيك

5/2/2010, 7:35 am

^

^
شكرا عناد الشوق , كلام منطقى واعطى اضافة للموضوع..!!؟

الراجل ما عيبيه شي..!!؟

الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟

Re: الراجل ما عيبيه شي..!!؟