هاك ايميلي

6/7/2009, 5:36 am

السلام عليكم ورحمة الله وبركاته

هاك ايميلي ...... قولي اللي في خاطرك واحكيلي ..... نرجا فردك لي هاك ايميلي

هاك اوقلي ... وقولي كلامك فيه قلبك حلي ... وقولي اللي في خاطرك وسلي ... وبراحتك قولي كلامك هيلي

علي دوب مهلك اكتبي وماتملي ... قولي اللي في خاطرك واشكيلي

احكي اللي في البال زيدي عيلي ... كل ماحسيتي بصدق اطريلي

حطي كلامك فصلي وماتخلي ... اسماك وعربكم وسكنتك جيبيلي

ماتخافي وما فشي تولي ... نبي نعرفه جيلك ايناسب جيلي

هاك وخود ... وخليه ردك لوكنت مش موجود ... بعدها انجي يم لعيون السود ... ونعرف تصدي في والا تميلي

كانك تصدي في في لردود ... ننسا مع غيرك نصيب ايجيلي

وكانك رسلتيلي كلام عهود ... وقلتي انك في خاطري ودليلي

انشيلك علي راصي انحط اوعود ... ومن غير زولك مانريد بديلي

نبيه يجيني ... ردي علي بلله ماتنسيني ... انراجي انراجي لين شقيتيني ... انفكر انقول امتا تبي تدويلي

نبي انقولك راني الكان تبيني ... رانك شغلتي خاطري ودليلي

وبديت نرجا فردود اتجيني ... شن يصبرا هلعقل ني تبيلي

نكتب ونمحا في اشواق حنيني ... خايف كلامي مايوفي الكيلي

وانتي عارفه بي كلمتك تحيني ... تزهي دروب لخاطر وسبيلي

نقرا الوارد لين تدبل عيني ... مازال مستني نهاري وليلي

قليه بروفه ... راك تغلطي وتودري فحروفه ... وني قليبي مايبطل خوفه ... لين يوصلني السلام اهديلي

وني عارفك انك علي عطوفة ... وفيسع تحسي بي ترتاحيلي

انعيشوا فمحبه ماقدانا خوفه ... انقولوا مشاعرنا فقول جميلي

والقسم يقربنا يخط احروفه ... بحكم النصيب انجيك والا تجيلي

هاك ايميلي ...... قولي اللي في خاطرك واحكيلي ..... نرجا فردك لي هاك ايميلي

************************************