تعالو و أسمعوا شن صار في مصراتة أخر يوم في رمضان

كنت معكس معا بعض من الشباب كالعادة قرب من منتزه الجوهرة {أكيد تعرفوه }

المهم

فاتت سيارة حلوة لكن لان الحكاية ليل قعدت نعاند أنا و واحد من الشباب علي 10 دينار علي نوع السيارة { الله يهديه}

بعد وقت و حني نلحقو فيها زي المهبلة عرفناها و طلعت أنا الصادق

طبعا خوكم البكل يبي فلوسة

و يحدث ما لم يكن في الحسبان

صارت عركة حدانا في الظلام ما تشبح شئ تقربنا يا نحزو يا نهبكو معاهم

لكن طلعو 2 نساوين معاش عرفنا كيف نديرو

صارت هدكي الزحما و الي يصور و الي يحاول كيف يحز وصار فيها كران الشعر و جو شين بكل و كنادر و شناطي

المهم

بعد ما حزيناها

طلع الموضوع كله كله علي شان كندرة كعب عالي


كعب عالي يدير فوضا في مصراته و يطير من راسي 10 دينار إمتعي

قالو بأن الكندرة هدي عجبتهم هما الأتنين لكن لزم وحدا تاخدها


و بدت تدلع الي التانيه في الطريق وو الجو هدا و صار فيها الضرب


سبحان الله ليش هكي يا ناس ليش

كعب عالي هدي يدير في البنات

المهم

و أهم شئ أنا طارو مني العشرة و قعدت فيها


السلام عليكم

و كل عام و أنت بخير

و حسبي الله و نعم الوكيل

أنا زعلان علي العشرة كنت نشبح فيها رصيد

الكعب العالي المشكلة المراة التاني شركاته لا هدي ولا هدي الي إستفادت منا

زي ما تقول العزايز الأولة

إرزينا في حاجا إسماها الكعب العالي و كثر الله مسدسات الخرزززززز

الله غالب يعوضك ربي في 10 دينار وخيرها في غيرها

ههههههههههه

ان شاء الله ربي ايعوضك

شكرا علي مروركم الكريم

شكرا علي مرورك المتواضع يا أختنا سراب

هههههههههههههههههههههههههههههههه

أما هذه أقوى نكته علي بنات مصراته

قريب انموت من الضحك

هههههههههههههههههههههه ياعليك قصه وينها الدعكه هدي فاتتني

غالي علي كران الشعر هههههههههههه