مانك هضاك الغالي

21/7/2010, 7:31 am

لا والنبي مانك هضاك الغالي
متبدل عليـــا ياعيــــــون الفالــــــــــي
لا والنبي مانك الغالي لول
مو حال دايـــــم كـــل حـــال محـــــــــول
سبحانه اللي تميت نا نسول
عليك بغــــلايا وانــــــت ماترثالــــــــــي
قيسك نسيت ان اسمي المهول
حباس دمعتي والدمع عيني مالـي
اللي وين تجفاني الدار انحول
علي عراكن مقوي عـــزوم جمالــــي
لا والنبي مانك هضاك الغالي
متبدل عليـــــا ياعيـــــون الفالــــــــي
مانك اللي يشقابي
ويشطه غيابــــــــــي كـان طــــال غيابــــــــي
مانك هضاك الوافي
بوقلــــــب ينبـــــض بالمحبـــة صافـــــــــــي
مانك صبي عيوني
متبدل عليـــــــــا فالزمـــــــــــان الدونـــــــي
انت منعرف بيا ونا عرفوني
عداي بيك والصاحب اللـــي يدنالــــي
مغير ليش ياغالي ظهرت عيوني
تزاين تريد مغير زين افعالــــــي
وين مالدنيا نقصت قانوني
وايام عونهـــــا ردن علـــــي قبالـــــي
تميت اتبرا من غلاي وشوني
لليأس بعتني بيعة الشي البالـــي
لايريد يرقد لاينسم عوني
بيك وبلاك والقاسمــــــــة تاتالــــــــي
واجدين قبلك للجدى خلوني
وجوفي بلاهم مااصبح خالــــــــي
مانك عزيز الداني
اللي نسيت في شانه اسمــــي ومكانــــى

للشاعر المبدع ابوبكر بوحويه