قالت مريضة

30/5/2010, 12:21 pm

قالت مريضة اليوم صايف حالـــى

تعرفش يا دكتور سر ذبالى ؟؟؟؟؟؟

قالت النوم هجرنـــــــــــــــــــــى

يعدوا ليالى خاطرى مكدرنــــــى

لا ذقت زاد لاقلته محيرنـــــــــــى

دوم شاردة ومتلخبطات احوالـــى

جبت الجهاز كشفى جريته عليها

تحاليل درت وصورة اشعة ليـها

شفت النتائج واضحة معانيــــــها

ما من مرض باين تحير بالـــــى

عاينت قلبها ونبضاتـــــــــــــــــــه

بسماعتى نكشف على دقــــــــــاته

نادى عليا خافته همساتــــــــــــــه

عرفته مصاب ام الهذوب سدالـــى

خبرتها باحوال قلبها واهاتـــــــــــه

وكثرة اريافه وشوق لملاقاتـــــــــه

صوب الخليل سر المرض وشفاتـه

عنده الدوا لدا بيه تشالـــــــــــــــى

ما من دوا عندى بنوصفهــــــــولك

ولا من علاج لعلتك وذبــــــــــولك

مغير جرعة غلا و القلب يسقيهولك

يزهى قليبك يا عزيز احلامــــــــــى

قالت دكتور سبايب علتى داويــــها

جرعة غلاك القلب يرجى فيـــــــها

منك الدا وانت الدواء وشافيــــــــها

روحى ترجـّع كيف قبل وتالـــــــــى