الشوق قتلها جديد سعد علي المقرحي

26/5/2010, 1:43 pm

تشارف اتراجي فيك نين اتوق
خليت ياغني عيني قتيلة شوق
..
الشوق قتلها
خليت ياغني عيني ايفيض زعلها
ملهوفة اتراجي فيك فك وحلها
وهي بطلتك تفرح وبيك اتروق"
والله زعم زاهي ومو شاغلها
خبرني انكان انسيت بيش انفوق"

تشارف اتراجي فيك نين اتوق
خليت ياغني عيني قتيلة شوق

الشوق خذاني
احسبتك اتواسيني وما تنساني
علي ما ايمر ايطول بي زماني
وعلي ما بنسمع من غلاء امعشوق"
وعلي ما ايقولو من زهاء خلاني
امقطمر جفاهم والغلاء خازوق "
ماانظن شي كيفك انلاقي ثاني
بودور عالعاتق ايجي امعزوق"

تشارف اتراجي فيك نين اتوق
خليت ياغني عيني قتيلة شوق

شوقي اطاول
اليوم ياغني عيني عليك اتساول
سبحان كيف دكراياتنا تداول
ولوكان غير شي مرة الهجر اضوق"
وسبحان كيف تنساكم العين اتحاول
وسبحان كيف متهني وني امخنوق """

تشارف اتراجي فيك نين اتوق
خليت ياغني عيني قتيلة شوق

يا ملهوفة
ياريت غير ايشوفني وانشوفه
ياريته ايجي ويروف بيا روفة
ويدير الخطا مني وليه احقوق
وانكانهو بطي ما جاش يا محسوفة
عليه انصبي مالطار ديري سوق

تشارف اتراجي فيك نين اتوق
خليت ياغني عيني قتيلة شوق

27/5/2010, 12:55 am

الشوق خذاني
احسبتك اتواسيني وما تنساني
علي ما ايمر ايطول بي زماني
وعلي ما بنسمع من غلاء امعشوق"
وعلي ما ايقولو من زهاء خلاني
امقطمر جفاهم والغلاء خازوق "
ماانظن شي كيفك انلاقي ثاني
بودور عالعاتق ايجي امعزوق"

صحيتي اختي ميسونه شعر موفق