انواع الحب بالشعر الشعبى / خش وشوف روحك وين

11/4/2010, 10:18 am

انواع الحب

حبٍ يشيّب صاحبه ما بَعَدْ شاب...... وحبٍ يشيب وصاحبه في شبابـه

وحبٍ يغيب وصاحبه ما بَعَدْ غــاب

وحبٍ يدوم وصاحبه في غيابـــــــه

وحب يذوّب خافقٍ مـــــــا بعد ذاب

وحبٍ يداوي صاحبه مـن عذابـــــه

وحبٍ يتوّب خافقٍ ما بَعَدْ تــــــاب

وحبٍ يزيدك رغبـةٍ فـي الكتابــــه

وحبٍ حياته كلّها لوم وِعْتـــــــــاب

وحبٍ حقيقـي مـا يضـرّك عتابـــــه

وحبٍ بلا معنى وحبٍ بلا اسباب

يبدا غريب وينتهي فـي غرابـــــه

وحبٍ ضعيفٍ مثل حبرٍ على كْتاب

تمحيه دمعه في ثوانـي كآبــــــــــــه

وحبٍ قويٍ مثل قصرٍ له ابــــــواب

لو هبّ عاتيْ الريح ما اهتز بابـــه

وحبٍ بداية رحلته نظـــرة اعجاب

واخر مطافه مثل يـومٍ بـدا بــــــــه

وحبٍ مقامه في ضلوع الصَدِر طاب

وحبٍ يعدّي مثل مرّ السحابـــــــــــــه

وحبٍ على قبره نعق بــــوم وغْراب

وحبٍ تغنّى به لحـون الربابـــــــــــه

وحبٍ بمقدارٍ وحبٍ بـــــــــلا حْساب

وحـبٍ بمعـروفٍ وحـبٍ نهابــــــــه

وحبٍ يعيش أهله وسط داره اغراب

ويموت قهر ويندفن في ترابــــــــــــه

وحبٍ ذاع صيته سمعوه الاحبــــاب

وحبٍ يموت وصاحبه ما حكى بـــــه

وحبٍ يشيب وصاحبه ما بَعَدْ شاب ...... وحبٍ يشيب صاحبه في شبابه