رومانسية الليبيين

بعض النماذج لرومانسية التريس الليبيين ...

القصة الاولى

المسكينة نادية ( مدرسة أعدادى ) قالت : مرة وصلني راجلي للمدرسة ..
وقبل لا ننزل من السيارة قلتله : ( حنستاشك ) فنص فيها وقاللها : إنزلي

بالك تو تعطليني ... عندي شغل ؟؟؟؟؟

القصة التانية :

خيرية تشكي من راجلها قالت : مرة خطرتلي فكرة حلوة ... وقلت خللي نشري

لراجلي هدية قنينة ...

المهم قول إشرتله نقال ولفاته فى غلاف حلو وكتبت من داخل ورقة صغيرة

مكتوب فيها .. إنحبك ومش عارف شنو تاني ...

ولما عطاته الهدية خداه وفتح الغلاف ومزقه .. ومزق معاه الورقة اللي داخل

وقاللها : بقداش شريتيه الموبايل هادا ...

قالتله : ب300 دينار ... قاللها : زلبحوك يا درويشة ... هدا حقه 50 دينار ..

المسكينة جاها إنهيار عصبي ...

التالتة

سالمة قالت : مرة خطرلي بندير جو رومنسي مع راجللي ... فشريت شموع

وولعتهم فى دار النوم ...

وأول ما روح مسعود راجلي وخش دار النوم .. عفس علي وحدة من الشموع

برجليه .. وعيط عيطة قوية ... وشرينها كف ...

وما خلا ما قالها من كلام ... ولليوم قاعدة فى حوش بوها .... تستاهل

... ماهو حرقتله رجليه ..

الرابعة

حكاية رجاء مع راجلها أبوعجيلة ...قالت : مرة خطرلي بندير سهرة رومنسية

... وشرت عشي مدندن من المطعم ...

وبعد ما وتت الدار وولعت الشموع وطفت الضي ورقدت الصغار ... روح

السي ألبوعجى ...

وطول طاح فى هادكا العشي .. وبعد ما عبا بطنه وإستمخ .. انبطح على ظهره

وقاللها : نوضى الفروخ خللي يجوا ياكلوا .... وووووووووووووه وووه

الخامسة

حكاية سعاد مع راجلها جمعة ... قالت : مرة سمعت بفكرة رومنسية حلوة وهيا

نثر الورود على سرير النوم ...

المهم قول دارتها ... ولما روح جمعة من العمل فى الليل مشى رقد فى المربوعة

طول ...

قالتله : علاش سيبت سرير دار النوم ورقدت هني ؟؟؟ قالها كيف بنرقد وانتي

معبية السريرعشب ... تحسابيني خروف ولا شني ...

على أساس مش زابط بين الورد والعشب ؟؟

السادسة ( حلوة هاذى )

حكاية فتحية مع راجلها فتحي ... حتي هيا قالت : مرة خطرلي بندير سهرة

رومنسية ... ونشغل شريط موسيقي حلو ...

ونرقص أنا وراجلي هاديكا الرقصة اللي يحطوا الراجل والمرا

إيديهم على ظهور بعض ...

المهم.... نفذت الفكرة وحططت شريط موسيقي سلو ...

وأول ماحطت إيدها علي ظهر راجلها فتحي ...

قاللها : إيه إيه بالله عليك أرفعي إيديك فوق شوية وحكي .... لالالا تحت شوية

... لالا فوق عالكتف .. بالقوة أكتر ....؟؟؟

قالت : فكرت نجيب الخباشة ونعطيه بيها على ظهره باش معاش يعاودها ...

وغيرها وغيرها ..

أما رومنسية الليبيات ... ووووه .... حدث ولا حرج ...انخلوها فى موضوع بروحة وخلاص ..

و ن ق و ل

ربي يعين النساوين عليكم

هههههههههههههههههه

موضوع مصقع عناد

مشكور

تي رسمي

ههههههههههههههه

خلاص شوشو كملت علينا

غيـر نتخيـل في اللقطة امتاع الاستعباط

ههههههههههههه

برادة

هو هاذا ما عدش لقيتوا وين تضربوا اللقنى
هيا كل واحد يلعب قدام حوشهم

ههههههههههههههههههههههههههههههههههههههههه

قوية منك سراب الحريق بدل الورد
يستاهل ما اكثر
وانى قلتلكم من زمان طالما الطناجر قاعدة فى المطابخ
يودى ما يصيرش منها الرومانسية

هههههههه



انستونى وتفضلو اى وقت ونعطيكم المفتاح زيادة