قيادة الاحوال ,او القصقصة , من واقعنا .. !

الله يسامح النسوان يلي يجيبن ويرفعن فالدوة من حوش لا حوش ..بدات لما اتكون دوة شينة يفرحن لما يسمعنها معظم النسوان وبعدين يرفعنها ساخنة وقاعدة مابردتش لي حوش تاني وهذا يرجع حتى للحسد عن معظم النسوان....ابسط مثال زي القصة (مراة عندها عرم ابناويت 5 او 4 وصلن لعمر كبير ومتزوجنش وسلفتها عندها 4 ابناويت اتزوجن 3 ومازالت وحدة والبنت الأخيره هادي صارلها شئ او سمعوا اعليها دوة ...وبعدين مرت عمها او سلفت امها مجرد ماسمعت عنها الشيء هدا بعد القصقصة كلها هادي سبلة حصلتها باش تمشي اتعاودها في احياش الناس التانية ....وهدا يرجع للحسد يلي عندها...وكان سمعت عنها شيء طيب تي راهي ماعاوداتاش للناس) ...


مشكووووووور خونا طلال.

القصقصه اووف منها امدرهتلي كبدي ورااي ورااي حتي في النت لحقتني


المهم توه نحكيلكم اشوي عالقصقصه وإقياده الاحواااال هي صح زي ما قلتو اتجي من الكساد والفراغ اللي يعانو فيه اكثر الليبين ...لان الشخص ما عنداش ميدير ومفيش حاجه جديده في حياته يبي يغير جو يبي يشغل روحه بإي شي فبدل ما يشغل وقته وروحه في حاجه تفيده يشغلها في اقياده احوال افلان وعلان وهذا ايش دار وفلانه ايش دارت ويش لبست وشنو شروا وكم السعر

يا ربي اسئله ملهش اول ولا اخر ولقصقصه تمت علامه مميزه لليبين

ربي يفكنا منها وكل حد يشقي بروحه