تعالوا معايا ياحلوين نعرفكم ع مدينة الجفره..؟

26/7/2009, 6:32 am

السلام عليكم ورحمة الله وبركاته....تحياتي للجميع وحبيت نعرفكم على شعبيتي شعبية الجفره ونتمني ان تعجبكم

***الجفره هي احدى شعبيات ليبيا ..وتقع في وسط ليبيا وتتميز بمناخها الصحراوي ,ويكثر فيها
النخيل وتعد التمور اهم المنتجات بها قديما وفي الحاضر ,والجفره غنيه بالموروث الشعبي الذي انتشر في
ليبيا وخارجها ....

***اداريا تضم الجفره كلا من المدن التاليه :_(هون _ودان_سوكنه_زله_الفقهاء)
**عدد السكان( 54.117) نسمه ..ز
**المساحه:117,410)كم مربع
**الكثافه السكانيه (0,38)نسمه كم مربع
**ترقيم الشعبيه(13)

ويمكن ان تكون الجفره مقصدا سياحيا مهما لما تحويه من معالم وكذالك الطبيعه الصحراويه التي تجذب

اليها الكثير من السواح وبالاخص الاوروبين ,,,و

**(هون)المركز الاداري للشعبيه واكثر مدنها سكانا ,كما يوجد بيها مقر قيادة القوات المسلحه الليبيه ,
واكبر وجود عسكري نجده في منطقه ليبيه ,ونقدر نقول انها العاصمه العسكريه لليبيا .

**وتوجد بهون مدينة هون القديمه التي يقام بها سنويا مهرجان الخريف السياحي الدولي
حيث تعتبر هذه المدينه من الناحية الموروث الفني والتراثي اهم المدن الليبيه...(ساتحدث عن هون في وقت لاحق)

**ودان هي اقدم المدن في الشعبيه تاريخيا ويوجد بها قلعه قديمه .ومنتزه الودان السياحي.

**سوكنه وهي تقع غربا 13 كم عن هون و33 كم عن ودان ,وكانت المركزالاداري في العهد العثماني
ويوجد بسوكنه ثلاثه مشاريع زراعيه وهي :(الفرجان) و(الحمام) و(مشروع نينه ) و مشروع (عافيه) كل
هل مشاريه توجد بها انواع مختلفه من التور وبعض الاشجار المثمره,ويوجد بها منتزه القطيفه وسد كبير
يسمي سد (الوشكه )وتغطي الشعبيه احتياجات الشعبيات المجاوره من الزلط المستخدم في البناء.

**زله هي اغني مدن الجفره من حيث وجود حقول النفط الكثيره بها ...

وياااااااااااارب نكون قد عرفتكم علي مدينة الجفره تعريف جيد ,,,وياريت يلي ما زارها يتشرف

ويزورها وياكل من تمرها ورطبهااااااااا وشوف ناسها الطيبين ...

نتمني ان تعلقوا علي الموضوع ...تقبلوا تحياتي خلود الهوني

26/7/2009, 4:12 pm

مـــاشاء الله ياخلود

شوقتيني اني نمشي ونشوفها

ربي ايحفظها لاهلها وناسها

يارب

26/7/2009, 4:32 pm

شبه وصلتيلنا كل المعلومات علي أحلي مدينة والله وبعدين يكفي أنك انتي فيها خلود بيش تبقي حلوة ومن أروع مدن الجماهيرية

وياااااااارب انزورها

تحياتي لكي خلود

26/7/2009, 10:33 pm

[size=24]السلام عليكم مشكورين علي ردودكم اختي ميسونه خوي ميدي

وياريت تتفضلوا وتزورونا البلاد بلادكم ومشكورين جدااااااا علي ردودكم الطيبه

منوووووووووورين ...تقبلووووا تحياتي خلوووووووووود bom

[/size]

27/7/2009, 5:25 pm

مشاء الله ربي يحفظها

مشكوره خلود على المعلومات الحلوه على مدينتك الحلوه
لكي تحياتي

ودمتي في رعاية الله وحفظه

28/7/2009, 7:39 am

خلووووووود صحيتي ع المعلومات السمحه ع احلى مدينه اللي فيها احلى ابنيه

والله حببتيني في الجفره ياخلود

وشكلي بنجيكم

وربي ايخليها ليكم وايخليكم ليها

تقبلي مروري خلود

موفقه

28/7/2009, 11:11 am

[size=29]مشكوووووووووووووووورين يا حلوات علي مروركم وياريت

تتفضلوووووووا وتزوروناااااااااااا في اقرب وقت ممكن

تقبلوا تحياتي الخاصه خلووووووووووود والبلاد بلادكم[/size]

31/7/2009, 3:06 am

خلووود..مشكوووره والله...شبه شفناها بالمواصفات...بس ممكن طلب صغير(ياريت أتحاولي أتجيبيلنا صور...وشكر خاص ليكي)أمنوره ديما بمواضيعك الحلوه

31/7/2009, 4:50 pm

هههههههههههههههههههههههههههههههههه
خلود انحط فضايح الجفره او نسكت ههههههههههههههههههههههه
لا الجفره مليحه اسالوني نا خصوصا الفقهاء وعندي فيها اصحاب غاددي
احسن شئ في الجفره الدقله والاقبي بس

1/8/2009, 4:57 am

باااااااااااااااااااااااهي ....باااااااااااااااااااهي ياحمودي

ماعندي مشكله لو قلت عيوب الجفره اصلا اني ما كملت كلامي وراح

نتكلم علي الناس والمشاكل الاجتماعيه وغيررررررررررررررها

وتستاهل احلى دقله ولاقبي من هون مش من ودان ههههههههههههههههههههههه

تقبل تحياتي مشكور انت وكل من قرا الموضوع خلووووووووود

1/8/2009, 5:29 am

تحياتي اختي خلووووووووود على كل وصف قلتي

بس نسيتي اهم واحسن

اولا انا زرت الجفرة ونعرفهاااااااااااا ممكن اكثر منك

انا زرت هون وسوكنة وزله طبعا عندي صديقة في زلة

واللي نسيتي انهم اطيب احسن واكرم ناس

انا شفت مو قول قال

هلا سهلا بيك اختي خلووووووووووود

تقبلي مروري

مجدي

1/8/2009, 10:48 pm

اهلين بيك مجدي في اي وقت وانت تشرفنا اكيد واني فخوره برايئك وهذا من ذوقك اكيد

اهل ليبيا كلهم طيبين وكرماء بس اكيد المناطق الداخليه والجنوبيه اكثر

تقبل تحياتي خلووووووووووووووود

4/8/2009, 5:48 am

الله يا خلود فكرتيني بيامات زمان
عندنا اقارب غادي مرة مرة نمشوا غادي
بس توا حولوا من غادي بس والله كانت يمات حلو بجد
مشكورة اختي خلود

5/8/2009, 7:11 am

اهلين بيك بارك هايين في كل وقت البيت بيتك

تقبلي تحيااااااااتي خلووووود ,,

5/8/2009, 9:44 am

مشكورة علي الموضوع الحلو

وأهلا بيك وبكل سكان الجفرة

خلاص وتي روحك أعضاء المنتدي جايينك في الحوش في الجفرة

كوني في الإستقبال

7/8/2009, 10:17 am

ولا يهمك ياشعافي ومشكور جدااااا علي مرورك

وتفضل في اي وقت الحووووووووووش حوشك انت واهل المنتدي

اهلين بيك في بلدكم الثاني الجفره

تحياتي خلوووووووووووود

16/8/2009, 7:50 pm

شكرا لك خلود علي المعلومات

تقبلي مروري
[img][/img]

سلام

21/8/2009, 4:12 am

الربيعي منور وياريت تتفضل وتزورنااااااااااااااااااا البلاد بلادك مشكور علي المرور

تحياااااااااااااااااتي خلووووووووووووووووود

23/8/2009, 12:12 pm

منوره اخت خلود ع الموضوع وع التعريف الحلو للجفره الجميله

والله راح نسعد بزيارتكم وانشألله تكون في اقرب فرصه

واني غالي علي الأقبي والدقله والله راح انكملهن عليكم

غادي هههههههههههههههههههه

من الرغم من اني بلبول ومش امتاع صحراء بس عليشان خاطرك انتي وخاطر ناسها الحلويين راح

انزوركم هههههههههههههههه وتي روحك

هههههههههههههههههههه

تقبلي مروري خوخو

24/8/2009, 12:40 pm

يا مديرنا العزيز البيت بيت تفضل في اي وقت

وتفضل علي احلي واجمل دقله في العالم

مع انه طاح التمر ودقله تدلع ميزال ما طاحت

علي مرورك الرائع تحياتي خلود ورمضان كريم

تعالوا معايا ياحلوين نعرفكم ع مدينة الجفره..؟

تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟

Re: تعالوا معايا ياحلوين نعرفكم ع مدينة الجفره..؟