هل الملابس تحدد خلق المراه

وانا انزيد عليك انه الملابس تعطيك موشر لي للبنت شنهي

بالنسبة ليا حتى شاب ملابسه تدل علي أخلاقة

تحياتي محمد

يا شباب خلينه في مجتمعنا ماتطلعوا بره منه

يعني البنت السافره والمتبرجه ويلي تفصع

يعني انت اول ماتشوفها شو نظرتط ليها
شيخه
بالله عليكم جاوبوني

عندك الحق محمد بالنسبه ليا الوقت هذا نسبة 99% مظهر البنت الخارجي لبسها

مشيتها طريقة وقفتها وجلوسها كله يححد اخلاقها


وان شاء الله تكون فهمتني محمد

مشكورة علي المرور شوشو

ملابس الانسان تحدد الكتير من اخلاقه وهذا راي المتواضع

انا بالنسبه ليا اكيده اتحدد اخلاق البنت بنسبه 90%

بس الكلام يلي دواته سراب وشوشو انه البنت ممكن يكون لبسها

مو كويس بس هيا كويسه هذا كلام مو مزبوط لأنها لو كانت كويسه

راهي لبست كويس مع احترامي ليهن لأنه الشخص مرات يلقى روحه

يتبع في التطور العصري رغما عنه حتى لو كان التطور هذا غير اخلاقي

اوكي كلامك صح بس لو هيا حابه انها تكون بنيه كويسه يعني المفروض

اضيف اللبس الأخلاقي (الأسلامي) على قائمه الحاجات الكويسه يلي ادير فيهن

او يلي تتصف بيهن

موضوع كويس اسمحولي اني نشارك معاكم فيه

في رائي الشخصي ان لبس البنت يحدد تقريبا 70% من خلقها وأخلاقها


ببساطه نحن نحكموا علي الشخص من مظهره ونقصد من مظهره الشكل اللي نحن نشوفوه بيه


صح زي ماقالوا البعض ان البنت ممكن تكون في داخلها كويسه بس لبسها يوحي بغير هك

سواء السبب كان بيئتها او تفكيرها ، فقبل مانوصلو لمضمون البنت ونعرفوا انها بنت كويسه نكون خذينا عليها فكره غلط وحطيناها في قالب معين انها بنت مش ولا بد

الخلاصه ان لبس البنت مهم يعبر عليها وعلي هلها وبيئتها واكيد البنت لازم ماتنسي انها بالدرجه الاولي انها بنت مسلمه والحجاب الاسلامي واجب عليها ان تحترمه وبالدرجه الثانيه انها بنت ليبيه لها عادات وتقاليد ضروري تاخذهن بعين الاعتبار

وأسفه لو طولت عليكم

خودي راحتك نسرين بالعكس مرورك ومشاركتك اترت الموضوع ورايك حلو ونحترموه

شباب
احني لازم نتفقوا يعني كيف تقيم البنت المحترمه وعلي اي اساس
الاحترام عده اشياء
اولها ملا بسها يعني مظهرها يعني للوهله الاولي انت اتشوف البنت تعطي حكمك عليها من لبستها يعني لو لابسه لبس فاضح وتمشي مشيه مش مزبوطه متلا حكمك عليها شنهي
تانيا اخلاقها قد تكون بنت زي الفقره الاولي بس هيا قمه الاخلاق ظروفها وبئتها حكمت عليها نوع لبس معين
تالتا معاملتها مع الناس قد يكون شخص قمه في االاخلا ق بس معاملتها زفته جاف ومتعرفي اتخشي فيه
قد اعتقد يقيم شخص قليل الاحترام

خلاصه كلامي
مش كل من لبسه لباس مسستر وشرعي واسلامي ومحترم معناها محترمه
بس كل من لبست لبس فاضح وغير اسلامي وضيق مش محترمه .

وهدا راي وانا حر في راي واسف لو جرحت بيه حد

صحيت هنود منور يا صاحبي

مشكورة سراب علي مرورك السمح

انا من رائي الملابس لا تحدد خلق الفتاه بس يجب ان تكون الفتاه حريصه في اختيار لبسها شكرا ياغالي

مع اني دخلت علي الموضوع متأخر بس اسمحولي

في مثل قديم عندنا ايقول كول ما يعجبك والبس ما يعجب الناس
وفي متل ايقول كل اناء بما فيه ينضح يا خوتي احنا في دولة اسلامية والحمد لله ليبيا مازالت بخير قدام الدول الثانية وبالذات مصراته اللي نعتبر فيها من اكتر مدن ليبيا التزام
فبالنسبة لمصراته اغلب عائلاتها ملتزمة فلهدا لما اتشوف بنت لبسها مش ولابد الواحد يستنكر هالشي لانه مش من عاداتنا وتقاليدنا بغض النظر عن اخلاق الشخص نفسه وهدا رأيي

مشكور علي اضافتك خوي احمد
خوي الجبو اتفضل في اي وقت يا غالي كلامك منطقي ميه في الميه


بس لو بتبرق صح الصح
راهوا لبس بناتنا مش مطابق للشريعه الاسلاميه

بس خليها في سرك
منور خوي