اهدااء الى يوجين وميدي وعلي ... قصيده على مدينة درنه ...

25/7/2009, 4:26 am

كنت اتجول في المواقع على شبكة الانتر نت فوجدت هذهي القصيدة التي اعجبتني

فقررت ان اهديها الى عرب درنة وخاصة يوجين وميدي وعلي

احلى اعضاء في منتدى مصراته حد الزين نورتونا ومشكورين على مجهودكم

ان شاء الله تعجبكم القصيده

تحياتي لكم ســـــــــــــراب

(((( لعيون درنة )))
للشاعر/ عبد الحميد بطاو

طليت من فوق الجبل .. عند المسا .. ريت البحر .. سايلات فيه أنوارها
جلّيت عن قلبي الزعل .. وعشت الزها .. في جوها .. ونشوة عبير أزهارها
طليت من فوق الجبل .. بانن ضوايا درنة
ألقيت روحي منذهل .. سارح بروعة درنة
عز المداين درنة
...
طليت من فوق الجبل .. ريت نورها
حبَّات لولي في الظلام
وكيف جيت في دروب السهل
جا عطرها .. فوَّاح وشوشني كلام
قال لي تفضَّل طوف .. بين ناسها .. اللي في ودايد حضنها عايشين
قالي لي شوف .. كيف صخرها .. نابت عليه الورد والياسمين
شوف كيف .. ما تعرف جفا .. ولا تشتكي ولا تعاتب
لها شوق وأحضان ودفا .. أن جاها الحبيب الغايب
ولما وصلت ديارها .. طليت من فوق الجبل
هلَّن عليَّ انوراها .. ألقيت روحي منذهل
سارح بروعة درنة
عز المداين درنة
درنة اللِّي حتى الجبل .. من غيرته .. حايط بها بإيدين من صوَّان
درنة اللِّي حتى البحر .. من فرحته .. هايم بها .. فوق شطها نشوان
درنة اللّي حتى الزهر .. من زهوته .. في بيوتها فايض على السِّيسان
درنة اللِّي حتى الخبر .. في وصفها .. يبقى الخبر فوق الورق فرحان
درنة اللي من كيفها .. في صيفها .. وان الليالي الزاهيات الحلوة
يطل القمر .. بين الشجر .. تشعر بفرح ونشوه
وتحرك أشجانك غناوي العاشقين
ويذَّوبك مزمارها شوق وحنين
درنة علي مَر السنين
كي تزورها وتطل من فوق الجبل
تشعر بروعة درنة
عز المداين درنة

26/7/2009, 2:45 pm

طليت من فوق الجبل .. ريت نورها
حبَّات لولي في الظلام
وكيف جيت في دروب السهل
جا عطرها .. فوَّاح وشوشني كلام
قال لي تفضَّل طوف .. بين ناسها .. اللي في ودايد حضنها عايشين

مشكوورة سراب على الكلام الحلو

وحتى انا نبي نهديه ليوجين وميدي وalseag

وكل اهلنا في درنة

26/7/2009, 4:34 pm

مشكووووووورا سراااب لو مهما قلت مش حنوفيك قدرك...والله مش حننساها لكي...أحلي هديه من أحلي عضواااا كلا من ذوقك الحلو....صحيتي واااااااااااااااااااااااااااااااجد...ولكي مني كل الشكر والتقدير

jocolor

26/7/2009, 4:45 pm

والله العظيم سراب انك فرحتيني من القلب علي هذه الهديه الرووووعة وصدقيني لها أثر كبير لي وللخوتي وللكل سكان درنة وحبيت انقولك يا احلي سراب في الدنيا كلها الهدية هذي لابد انردوها لكي وان شاء الله ربي يوفقني وانردها لكي ....

27/7/2009, 6:12 pm

درنة اللِّي حتى الجبل .. من غيرته .. حايط بها بإيدين من صوَّان
درنة اللِّي حتى البحر .. من فرحته .. هايم بها .. فوق شطها نشوان
درنة اللّي حتى الزهر .. من زهوته .. في بيوتها فايض على السِّيسان
درنة اللِّي حتى الخبر .. في وصفها .. يبقى الخبر فوق الورق فرحان
درنة اللي من كيفها .. في صيفها .. وان الليالي الزاهيات الحلوة
يطل القمر .. بين الشجر .. تشعر بفرح ونشوه

مشكوره سراب على الكلمات الحلوه لمدينة درنه الحبيبة

لكي تحياتي وتقبلي مروري

28/7/2009, 2:06 pm

ايسلمكم ربي والله انتم تستاهلوو اكثر من هكي

ودرنه هذي بلادي التانيه

امنورين يوجين وميدي وشكرا ع الكلام والله خجلتوني

ربي ايخليكم لدرنه ايخليها ليكم

مشكوووووووووووووورين الكل ع الردود وع المرور الحلووو

10/7/2010, 4:49 am

صحيتي سراااااااااااااااااااااااب مشكوره مشكوره واجد واجد واجد هالقصيده انموت فيها وتعز علي واااجد للشاعر المبدع والمتميز عبد الحميد بطاو

وحتي توقيعي خذيته منهااااااااا

كلكـ ذوق ولله

14/7/2010, 4:18 am

ايسلمك ربي نسرين .. اكيد مايدي ويوجين وعداب وانتي تستاهلووو اكثر

انا درنه اتعز عليا من زمان وزادت المعزه بعد ماتعرفت على ناسها الطيبه

نورتي يا غاليه

اهدااء الى يوجين وميدي وعلي ... قصيده على مدينة درنه ...

اهدااء الى يوجين وميدي وعلي ... قصيده على مدينة درنه ...

Re: اهدااء الى يوجين وميدي وعلي ... قصيده على مدينة درنه ...

Re: اهدااء الى يوجين وميدي وعلي ... قصيده على مدينة درنه ...

Re: اهدااء الى يوجين وميدي وعلي ... قصيده على مدينة درنه ...

Re: اهدااء الى يوجين وميدي وعلي ... قصيده على مدينة درنه ...

Re: اهدااء الى يوجين وميدي وعلي ... قصيده على مدينة درنه ...

Re: اهدااء الى يوجين وميدي وعلي ... قصيده على مدينة درنه ...

Re: اهدااء الى يوجين وميدي وعلي ... قصيده على مدينة درنه ...