الحب فى ليبيا

13/1/2010, 8:54 am

الحب

الحب

كلمة قصيرة صغير ة ولكنها تمتل موضوع كبير وضخم يعاني منه جيل بأكمله

(الحب ) كيف بنبدأ سؤال بسيط ليك قبل ما انكمل الموضوع الكل نبيه ايجاوب عليه
(هل انت تحب ام لا؟ طبعا مش اتقولي ايه انحب امي اوبوي والجو هدكا عارفين شن قصدي انتم

ادا كنت من الدين يحبون ويعشقون فأنت ادا مدرك للحالة النفسية التي يمر بها الشخص الدي يحب

عندي واحد نعرفه ايحب
بنت _شينا باهى ومقعدا كان تشوفا احلى منها باهى_ لكن يحبها هلبة هبلة _
او هلبا حاجت تانية يتصل بيها ايقولها يا اميرة او هبلة
وايقولها يا اميرة
لقصدم مش شينا والله حاجة شوفو الحب كيف
قداش الحب معكوك قصدي اعمي (قصدي الي ايحب يتريص علي روحه مش مرات البنية امداريتله خطيط حجيب تحت المخدة السحر كاتر اليومين هادوم

والبناويت ابدوا ايدوراو فينا هلبا اصليته احني سلعة نادرة :bo: والمشكلة الشخص لما يبدأ ايحب حتي صاحبه ايبيعه علي خاطر هديكا البنت

اني الي واجعني في الموضوع الحب امتع ال هدا قصدي تلقي البنت في التنوي ولا حتي الاعداي اتحب في واحد اكبر منها بعام ولا حتي يقرا معها في نفس الفصل

تي حتي الجامعة يعني
تقرا معاه في نفس الكلية او نفس القسم قصدي هادم وين يبوا يصلوا امالا
اسمعوا يا بنات كان واحد قالك اني بنخطبك او بنتزوجك صدقيني هدا بلعوط

حتي اني كاني قتلك بنخطبك ولا بنتزوجك بلعوط تي قصدي هو عمره 23 سنة او هي قول 22 ولا حتي انديدته في ليبيا العمر الافتراضي للزاوج

يعني بشكل عام دائما 30 31 32 33 34 35 خلينا من الحالات الشادة هادي الي تزوجت بعمر 25 او اصغر قصدي توا انتي يا سنفورة يا اميرة

عابية انه بياحدك
مشناك صدقيني لما اتعنسي بهي سيوره وايفوتك قصدي مش البنت لما من الاول
تبدا ماشية صح لاعلاقات لاكلام فارغ مش خيرها

حتي قدام ربي قصدي البنات امدايرين حالة فينا هداكا تلاقه امقعمز في راس الشارع مهموم تي خيرك البنت تي خيرها اماليها ورقولها اتكلم فيا

الدسكة الحزينة نفسها عند كل واحد
تلقي واحد امولع سبسي اقريب ايخش علي الحشيش خيرك
البنت خيرها جبدت عليا نفس الدسكة اه يا بناويت تبوا قطع الرقبة كلكم انا عارف دواكم

وهذا الحب فى ليبيا
وسامحوني لو عوجت بالكلام هكى ولا هكي بس هادي الصراحة
تحياتي :ولد_مصراته

14/1/2010, 12:14 am

مشكور ولد مصراته

14/1/2010, 1:44 am

عفوا بنت مصراته

14/1/2010, 2:33 pm

مشكوووور ولدنا وموفق والمزيد من التقدم

الحب فى ليبيا 243667

14/1/2010, 2:39 pm

هههههههههههههههههههههههههههههههههههههههههههههه

تي وحق ربي قريب متت من الضحك علي كلامك

هههههههههههههههههههههه

بس هدي تجربه شخصية؟؟

هههههههههههههههههه

عليك جوو

مشكور ولد مصراتة

18/1/2010, 8:44 am

بس هدي تجربه شخصية؟؟

مزال فيها تجربة شخصيه

مشكورين عالمشاركة

18/1/2010, 12:46 pm

هههههههههههههههههههه

ياناري منكم

يا بلاعيط

مشكور ولدنا عالموضوع

وينقل للقسم المناسب

22/1/2010, 1:41 am

انقلي وين ما تحبي سراب

22/1/2010, 5:28 am

مطوله الموضوع يا صاحبي
هههههههههههههههههه
صحيت اوخي

الحب فى ليبيا

الحب فى ليبيا

Re: الحب فى ليبيا

Re: الحب فى ليبيا

Re: الحب فى ليبيا

Re: الحب فى ليبيا

Re: الحب فى ليبيا

Re: الحب فى ليبيا

Re: الحب فى ليبيا

Re: الحب فى ليبيا