... قصه شعرية باللهجه الخليجيه ...

19/7/2009, 9:36 am

باحكي لكم قصه قبل ما تنامون

قصة غرامٍ بين خل وخليله

كانوا يعيشون الهوى حلم مجنون

تورق عصافيره تغنّي نخيله

وكانوا اذا طال النوى يوم يبكون

هذا اذا طال النوى بس ليله

واذا تلاقوا تهمس يدين وعيون

وصمت الشفايف كان أفضل وسيله

كانوا بوجه الوقت دوم يتباهون

ولافكروا بالوقت لو شد حيله

سنه وهم يبنون يبنون يبنون

عش الغرام اللي غصونه ظليله

تدرون بعد العام وش صار تدرون؟

صارت اماني وصلهم مستحيله

تفرقوا واحلامهم صارت طعون

وذاقوا مرار الحب عن سلسبيله

كله سبايب شك يتبع له ظنون

بقلوبهم خيّم ولا اعلن رحيله

اثنينهم تابوا بعدها يحبون

عاشوا على هالذكريات الجميله

هذي الحكايه وان قدرتوا تنامون

فالحلم بتشوفون خل وخليله