سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟

12/12/2009, 2:49 am

سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟

السلام عليكــم ورحمـة الله وبركاتــة ،،

سؤال للبنات وبكل جراة بتعترفي بالماضي متاعك لخطيبك ؟ للجريئات فقط

سور للجرئيات فقط السؤال هذا

مسعود عنده دكان وكل يوم يقعمز قدامه يمقل في عباد ربي وخاصة الزنس اللطيف

يوم بعد يوم لاحظ ان في بنية ماشاء الله اية في الجمال تخطم شبه يوميا من قدام الدكان

قعد يراقب فيها لمدة معينة ( ماهو يبي يخطب المنجوه) ويشوف في تصرفاتها وين تمشي ومنين تجي

في يوم من الايام روح لامه الحاجة عواشة الحرفة وقاللها يا امي راهو لقيتها اللي ندور فيها ليا زمان

وتي روحك وكلمي خالتي مناني باش تمشو نبيكم تخطبوهالي وراهو مشيتكم رفع عتب بس يعني رأيكم مش حيهمني

الحاجة عواشة ومناني لبسو هديكة الفراشية وتسقدو لحوش البنية باش يعطو فيها الكلمة

المهم المشية كانت مباركة وعواشة الحرفة اول مرة تعجبها بنت وعلية مع بعض

المهم اتفقو علي يوم للفضان باش يبعتو الرجالة يتفاهمو ويحطو اللمسات الاخيرة على الاتفاق

خوكم مسعود بعد ماصار النصيب قاللهم نبي رقم البنت باش بنهذرز عليها ونتعرفوا

عطوه رقم التلفون واستمر التعارف لمدة شهر لكن في يوم من الايام مسعود سأل البنت سؤال محرج شوية

مسعود

نبيك تكون معاي صريحة وتحطي ربي بين عيونك

درتي علاقات قبل ولا لا ...؟ كلمتي ولاد قبل ...؟ قداش واحد بعتلك..؟

البنية مسكينة جتها صدمة من السؤال اللي مش متوقعاته بكل في هالوقت

حظها ان الرصيد كمل بعد هداكة السؤال الصعب لكن بعتلها مسج من موبايل اخته وقاللها تو نعاودلك بعد 10 دقايق نمشي نعبي رصيد ونجي

سؤالي لكل بنت في المنتدى

حطي نفسك في مكان البنت وعندك عشرة دقايق تفكري فيهم شني بتقولي ولازم تذكري ان حبل الكذب قصير زي مايقولو

الشباب يقدرو يعطوا رأيهم

منقول

12/12/2009, 4:30 am

بصراحة السؤال هذا متوقع دائما لانه اول شئ يخطر فى بال الشخص سواء كان شاب او بنت

بس الجريمة الكبرى لما ينسال للبنت لانه طبعا عيب وحرام انها اتكون على علاقة من قبل مع شخص اخر غيره

بس هو بكل تقة ايرد ويقول ايه انا عندى واجدين لانى انا شاب ومايعيبني شئ

وهى تسكت وتبلعها لانه مش من حقها انها اتعارض بس لو هى قالت انها كان عندها علاقة من قبل ياويلها ايشهدر بيها حتى لو كانت علاقة بريئة وعابرة

لو فى يوم انحطيت فى هالموقف رح انجاوب وبكل تقة انا عمرى مادرت علاقات وكل الشباب اللى شفتهم فى حياتى كان مجرد اعجاب ولا يتخطى حدود الزماله والحمدلله

صدق اهلا وسهلا ماصدق الله معاه والقلب داعيله

مشكوووور شيفووو

13/12/2009, 10:32 am

سؤاال وبكل صراحة بتعترفى بلماضى امتاعك لخطيبك؟؟؟؟؟؟؟؟

اني ماضيه ماعندي مااندس فيه

وماعندي شي مدسوس اللي هناك في الطبق الحمدلله

وبعدين السؤال عالماضي انحسه سؤال مش في محله الصراحه

خلاص المفروض اللي فات مات

ويبدوو مع بعض من جديد

مشكور الشعافي عالسؤال الجريئ

تقبل مروري

14/12/2009, 5:09 am

من وجهة نظرى,السؤال مش صعب والمفروض البنت ترد بكل صراحة وثقة,وبعدين نرد على الاخت ميسونة ان اللى يقول من الشباب انا ما يعيبنى شي ,من رائي اكيد غلطان,لان الغلط ينطبق على الراجل والبنت,وربك يحاسب الاثنين,مفيش حاجة اسمها ما يعيبنى شي..؟

شكرا تحياتى.

14/12/2009, 7:24 am

مشكورين علي المرور وعلي الآراء المختلفة

بصراحه هو سؤال صعب مفروض حتي الشاب ما يسئلش سؤال زي هذا

تحياتي

14/12/2009, 8:02 am

اكيد شيفوا بس الافضل يكون الشئ هدا بدون سؤال يعني انا انقول كل شئ من الاول

بس بس

لوكانت العلاقه سريه قديمه
والبنت انخطبت فا من الافضل تستر روحها البنت افضل

15/12/2009, 2:03 am

حتي اني هذا راي

مشكور علي المرور

سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟

سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟

Re: سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟

Re: سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟

Re: سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟

Re: سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟

Re: سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟

Re: سؤاال وبكل صراحة بتعترفى بلماضى امتعك لخطيبك؟؟؟؟؟؟؟؟