مكتوبلك يا قلب ما تتهنى / روائع شعرية

7/12/2009, 2:17 pm

مهداة الى :

من خانت العهد وشوهت كل جميل فى الحياة
من خان الصداقة وداس على الوفاء والاخلاص
كل قلب كتب عليه العذاب

مكتوبلك يا قلب ما تتهنى ***** اللى تشتيكيله تعود تشكى منه

ما تفيد تنهيداتك
ولمن تشتكى من الهم واسواياتـك
اليا كان ايدك ليمنا ضرباتـــــــــك
وليك دقدقت عظمك مشالك حنــة
ضمضم اوجاع الجرح فى طياتك
وللفالتة قصّر سيور العنـــــــــة

*****
قل الهنى فى الدنيا
ولو كان بيد العبد يخرب بنية
واللى عزم لسوايتك بالعنيــــة
للصيد خش فى حفرته وتعنه
غير اودعه لله يخرب بنيــــه
وسكر ابواب الفرح منك عنه

*****

بنادم قليل هناته
لو كان سية من حبيبه جاتــــــه
واليوم صاحبك شابح بعين شماته
فى وقت نبكوا بالمدامع غنـــــه
فى وسط قلبك صابغة سواياتــه
زى فى بياض الكف تصبغ حنه

*****

مكتوبلك يا قلب

10/12/2009, 2:48 pm

مشكور خوي عناد عالشعر الحلووو

تقبل مروري

11/12/2009, 2:45 pm

صحيت عناد على الشعر الرائع

دمت بود

تقبل مروري وتحياتي

مكتوبلك يا قلب ما تتهنى / روائع شعرية

مكتوبلك يا قلب ما تتهنى / روائع شعرية

Re: مكتوبلك يا قلب ما تتهنى / روائع شعرية

Re: مكتوبلك يا قلب ما تتهنى / روائع شعرية