حط روحك في الموقف هدا ..

7/11/2009, 11:50 am

السلام عليكم

حبيت نعرف راي كل واحد فيكم في منتدانا الغالي

في مسألة الثقة

ونبي كل شخص يحط روحه في الموقف هدا ويقوللي كيف راح يتصرف

تخيل ان اختك وتقت فيك بدرجة كبيرة

واتحبك واجد وتحترمك

والحب والتقه متبادله بينكم

ومرة من المرات وصلت بأختك التقة لدرجة انها جت واعترفتلك

بأن عندها علاقة مع شاب

بغض النظر ادا كانت العلاقه حب ولا صداقة

خبراتك وهيا خايفة من ردت فعلك

نبي الكل يجاوب عالاسئلة التالية بنات وولاد

شنو اتكون ردت فعلك لو كانت العلاقه اللي بينها وبين الشاب مجرد صداقه ؟؟

وشنو اتكون ردت فعلك لو كانت حب ؟؟

شنو ردت فعلك لو كانت عبر الموبايل ؟؟

ولو كانت عبر شبكة النت فقط لا غير ؟؟

ولو كان يعرفها من تكون وبنت من ؟؟

ولو كان مايعرفها من تكون بصفه عامة ؟؟

هل هيا غلطت لما خبراتك ؟؟

هل راح اتندمها علي انها خبراتك ؟؟

ولا راح اتسايرها وانت تعرف ان اللي ادير فيه غلط ؟؟

ولا ولا ..

اللي يحب ايضيف حاجه يضيف ..

ارجو التفاعل ...

تحياتي

شوشو

8/11/2009, 1:12 am

هلووووووووووو

وينـــكـم ....

8/11/2009, 2:18 am

سامحيني شوشو والله طلعت ونسيت انمر عالموضوع

المهم

شنو اتكون ردت فعلك لو كانت العلاقه اللي بينها وبين الشاب مجرد صداقه ؟؟

بالنسبه ليا عادي بس اتكون الصداقه عبر الانترنت فقط لا غير ومااتكونش في وسيلة اتصال بينهم غير الكايبورد

وشنو اتكون ردت فعلك لو كانت حب ؟؟

لو كانت حب مافيش حد يقدر يمنع الحب بس ايكون الحب في حدود والعلاقه اللي بينهم اتكون

فيها نوع من المصداقيه ومش كل شي عادي والاحسن انه ايكون حب من بعيد لبعيد

احسن من العلاقه

شنو ردت فعلك لو كانت عبر الموبايل ؟؟

بننصحها لو خدت كلامي واقتنعت اوك

مااقتنعتش هي حره بس اني مااتجيش شوري ولا رح نوقف معاها

ولو كانت عبر شبكة النت فقط لا غير ؟؟

لا عادي لاني اني مقتنعه بيها ممكن هي مش عادي بس انا هذا رائي

ولو كان يعرفها من تكون وبنت من ؟؟

لا لانه اني ماعندي ثقه حتى في خوي اللي من امي وبوي

رح ننصحها انها اتكون شديدة الحرص

ولو كان مايعرفها من تكون بصفه عامة ؟؟

مافهمتش كيف ... يعني مايعرفهاش وايتاوصلوو عبر النت اوك عادي بس كل شي فيه

حدود وماتنساش انها بنت في النهايه والبنت ماليها غير سمعتها

هل هيا غلطت لما خبراتك ؟؟

لا بالعكس هكي الصح

هل راح اتندمها علي انها خبراتك ؟؟

ان شااءالله لا

ولا راح اتسايرها وانت تعرف ان اللي ادير فيه غلط ؟؟

ولا ولا ..

لا مستحيل هذي اختي اللي ايمسها ايمسني وايمس عيلتي

ورح انخاف عليها اكثر من روحي

ومش رح انسايرها اكيد

شكرا شوشو اسئله ممتعه واتهبل عطيك الصحه

كثري منها يا سمحه

تقبلي مروري

8/11/2009, 7:33 am

شنو أسئلة هذه أصعب من أسئلة الشهادة الثانوية

شنو اتكون ردت فعلك لو كانت العلاقه اللي بينها وبين الشاب مجرد صداقه ؟؟

عن طريق نت فقط عادي

وشنو اتكون ردت فعلك لو كانت حب ؟؟

غير وينه الحب بس

شنو ردت فعلك لو كانت عبر الموبايل ؟؟

أكيد أرفض

ولو كانت عبر شبكة النت فقط لا غير ؟؟

عادي

ولو كان يعرفها من تكون وبنت من ؟؟

هذه أكثر شئ ارفضه

ولو كان مايعرفها من تكون بصفه عامة ؟؟

عادي

هل هيا غلطت لما خبراتك ؟؟

لا

هل راح اتندمها علي انها خبراتك ؟؟

مش عارف اممممممممممممم لا
علي حسب الموقف

ولا راح اتسايرها وانت تعرف ان اللي ادير فيه غلط ؟؟

لا انوريها طريق الصحيح

انشالله غير تكون اجباتي موفقة

9/11/2009, 2:18 am

مشكوووورين علي رأيكم

أكيـد رأيكم يهمني واجد

يسلمووو

10/11/2009, 5:41 am

شنو اتكون ردت فعلك لو كانت العلاقه اللي بينها وبين الشاب مجرد صداقه ؟؟
معتقدش ان في صداقة,فى ليبيا البنت لما اتعرف على شاب معناها علاقة.

وشنو اتكون ردت فعلك لو كانت حب ؟؟
انا مش ضد الحب بس على الاقل فى حدود الخطوبة او شي شرعي.

شنو ردت فعلك لو كانت عبر الموبايل ؟؟
لا,غير مقتنع تماما,وساعارض.

ولو كانت عبر شبكة النت فقط لا غير ؟؟
اذا كانت تكتب فى منتديات ok ما من مشكلة,غير ذلك غلط..

ولو كان يعرفها من تكون وبنت من ؟؟
مش مفهومة النقطة هذى..

ولو كان مايعرفها من تكون بصفه عامة ؟؟
مفهمتش السؤال بالضبط.

هل هيا غلطت لما خبراتك ؟؟
لا طبعا مش غلطانة.

هل راح اتندمها علي انها خبراتك ؟؟
لا طبعا,نشكرها على صراحتها..

ولا راح اتسايرها وانت تعرف ان اللي ادير فيه غلط ؟؟
لا مافيش حد يساير اخته على الغلط.

شكرا على الموضوع اللى يبي صراحة ومصداقية فى الرد..

22/11/2009, 8:01 am

مشكور خوي اولي علي مشاركتك

هدا رأيك واني نحترمه

مشكور

24/11/2009, 12:02 am

شنو اتكون ردت فعلك لو كانت العلاقه اللي بينها وبين الشاب مجرد صداقه ؟؟

فى محيط الدراسة او العمل

وشنو اتكون ردت فعلك لو كانت حب ؟؟

احترم خيارها اذا كان الامر جدى

شنو ردت فعلك لو كانت عبر الموبايل ؟؟

اسمع وجهة نظرها قبل ابداء الرأى

ولو كانت عبر شبكة النت فقط لا غير ؟؟

ايضا اسمع وجهة نظرها

ولو كان يعرفها من تكون وبنت من ؟؟

اذا كان الامر جدى فمن الضرورى ان يعرف من هى

ولو كان مايعرفها من تكون بصفه عامة ؟؟

فى هذه الحالة اعترض لان الامر مجرد تسلية فالشاب الجاد لابد
وان يعرف كل شىء عن الفتاة

هل هيا غلطت لما خبراتك ؟؟
بالعكس

هل راح اتندمها علي انها خبراتك ؟؟
لا

ولا راح اتسايرها وانت تعرف ان اللي ادير فيه غلط ؟؟

هذه المسائل لا مسايرة فيها

اللي يحب ايضيف حاجه يضيف ..

بشكل عام هذه المسائل تعتمد على مدى وعى الفتاة وحكمتها وتعتمد ايضا

على المحيط التى تعيش فيه

حط روحك في الموقف هدا ..

حط روحك في الموقف هدا ..

Re: حط روحك في الموقف هدا ..

Re: حط روحك في الموقف هدا ..

Re: حط روحك في الموقف هدا ..

Re: حط روحك في الموقف هدا ..

Re: حط روحك في الموقف هدا ..

Re: حط روحك في الموقف هدا ..

Re: حط روحك في الموقف هدا ..