تعلم اللغة الفلسطينية الغزاوية ادخل وشوف بعينك

25/10/2009, 3:45 am

كيفكم اليومٌ

جبتلكم شويه مصطلحات غزاويه يعنى مصطلحات على نابلسيه على جبليه على كلويعنى تشكيلة مزبطة قلقيشن
مطنشكوو = يعني مش معبركو

البيارة = المزرعة

شمينت = نوع من انواع اللبن مفردة من مخلفات العدو الصهيوني

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة هههههههه

بابور = زي فرن الغاز بس على صغير واله عين وحدة وبشتغل على الكاز (بابور
الكاز) عليوة هههه

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية هههههههه

ونجك حالك = يعني زبط حالك

روق يا ضاوي = يعني وحد الله يا مجنون ههههههههههه
على بلاطة = يعني من الآخر

كوشي = يعني اسود

بابوج = شبشب

معصلج = مزرجن = مش راضي أو بمعنى آخر راكب راسه

فورسة = فسحة اللي في نص الحصص في المدرسة

كنتين = كافتيريا المدرسة

صف = فصل المدرسة

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر

اجنص = لنج =جديد

مواسرجي = السباك ... الرجل الذي يقوم بتصلح المجاري(اعزكم الله)

حنفية = صنبور= مصورة

ورا الدار = خلف البيت

قاع الدار = الجزء الامامي للدار

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة
كوربة = التفاف الشارع .. تقاطع يعني

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

ام العبد و ابو العبد = اسم فلسطيني قح

قح = عالاخر

فرم الشاب = طحنه = خلاه زي الطحينه

فعص في بطن الشاب = خبط في بطنه هلكه

جلدة راسه خميله = عبيط او بفهمش بسرعه

بدكاش = ما بدك

شاكوش = مطرقة

فطبول = كرة قدم

طقية = قبعة

شمر = ارفع البنطلون او الجلبية وافكح او اجري

قرفان = واحد مش طايق حالو بالمرة

سك عالدم = يعني انسى ومش فايقلك

برقان = برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون

طنجره = بالمصرى حله هاى اللى بيكون فيها الطبيخ اسمها طنجره

الحين =الان هلأ او توا بلهجتكم ههههه

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط
الخوصة = السكين

شرشف = ملاية

شاف = اللي بيحطو فيه الميّة

ليدن = علكة

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

قمباز = لباس فلسطيني يلبسه الختارية

سجرة = شجرة

اسكومية = يعني ايس كريم هههههههه ( الدلع )

الفرشوحه = يعني سندويش الشاورما بالغزاوي القح

ريحة : يعني عطر

قصافة = يعني مقص أظافر

هلأ = الان = هسا = الحين بالفلاحى

مطعوج = من الفعل انطعج

والمصدر تاعو انطعاج وهو الشء المعوج

ازعق عليه = نادي عليه

ضلك كاوي = ضلك ماشي على طول (نفس الطريق )

يختي = اسلوب نداء للمؤنث

يخو= اسلوب نداء للمذكر

بعكش = فتش = ابحث = دور

بسكليت = يعني دراجة

25/10/2009, 4:30 am

تعلم اللغة الفلسطينية الغزاوية ادخل وشوف بعينك 488160

الله مصطلحات مهمة

شكرا شيفو على المعلومات

25/10/2009, 10:55 am

الله مصطلحات مهمة

شكرا شيفو على المعلومات

25/10/2009, 11:05 am

[size=29]ههههههههههههههههههههه

منور ياااااااااااااااااااشيفوا علي الموضوع الرائع

بس ما قلتلنا شن معني الموطوا بالفلسطيني ههههههههههههههههههههههه [/size]