ماذا لو ؟؟؟

9/10/2009, 10:03 am

السلام عليكم شباب وبنات

جايبلكم سؤال صعب شوي زي قبل

نبي ناخد رايكم فيه بس هوا موضوع افتراضي ومش شخصي يعني فكونا من جو المثاليات وخلونا واقعين شوي

فرضا انه شاب خطب بنت عن علاقه او غيره
وفي فتره الخطوبه حبوا بعض بجنون ووصلوا درجه العشق يعني استاحله انهم يتخيلوا انهم يكونا غير بعضهم وانهم اصبح التاني حلم الاخر
وفي اتناء فتره الخطوبه اخ البنت خطب اخت خطيب اخته
وبعد مده الخطيبين الجدد ماتفهموش وسيبوا بعض
وصارن مشاكل

وصارن حساسيات بين العائلتين كبيره

سؤالي

لي الشباب لو كانت اختك لو سمح الله هيا يلي فسخت خطوبتها نتيجه لاخ خطيبتك واهلك قالو لازم اتسيبه زي ماسيب اختك كيف تتصرف هل تتمسك بالشخص هدا مع العلم انه والديك مش معارضين ومش وموافقين جاين في حياد وخوتك واهلك رح يقطاعوك ويقاطعوا عرسك لو خديتها ومش رح يكلموك
كيف تتصرف

ولو انت صارلك الموقف هدا هل تقبلي تاخديه او انك تنفصلي عليه

او تقبلي بيه وتوا جهي مشاكل كبيره مهدده حياتك حتي قبل ماتبدي

ارجوا التفاعل

9/10/2009, 10:22 am

ولو انت صارلك الموقف هدا هل تقبلي تاخديه او انك تنفصلي عليه

او تقبلي بيه وتوا جهي مشاكل كبيره مهدده حياتك حتي قبل ماتبدي

أما انت محمد أسئلتك صعبه بجد

مش عارفه حاولت نتخيل الموقف

ممكن لو أهلي موافقين اني انكمل معاه انكمل

ولو مش موافقين

انحاول نقنعهم

وبعدين وحده من الاتنين

يا نقنعهم يا يقنعوني

وانشوف ردت فعله هوا خطيبي

لو مزال متمسك فيا اندير عشانه المستحيل

وانحاول وانحاول بكل جهدي اني نقنع اهلي

وفي الاخير مش راح يصير الا اللي كاتب بيه ربي

ربي يستر

مشكور خوي محمد عالسؤال

تقبل مروري

9/10/2009, 10:27 am

العفو شوشو
هده هيا حلاوه النقاش لما تبدا المواضيع صعبه وفي المواقف الصعبه تبان شخصيتنا

10/10/2009, 3:33 pm

محمد سؤالك صعب واااااااااااااااجد

بصراحة على حسب الموقف لو كان انفصال الاتنين الجدد تافه وسطحى

اكيد مش رح انخليه اياتر على علاقتى بس لو حساس ولا يحتمل اكيد

انا انفضل سعادة غيري على سعادتى

واهم شئ عندى اهلى ورضاهم عليا حتى لو كان كله على راسي انا

تحياتى

10/10/2009, 4:00 pm

القصه هادي صايرة فشارعنا__انا اهم شي رضا الوالدين عندي وبدات الأم يعني الزوجه تتعوض والأم ماتتعوضش_لو اتقولي ماما سيبها يامش حنرضى اعليك:والله انسيبها انشاء الله يوصل راسها للسمي وتطربق ماعاد اموليلها البنت/لكن انحاول اني نقنعهم وكان مابوش انفوتها زي ماحكيتلك

11/10/2009, 3:04 am

مشكورين علي المرورو والتافعل صحيتوا

11/10/2009, 7:15 am

كل شي يتوقف على السبب المشكلة
كان سبب بدون سب انكمل..وانحاول
نصلح بينهم ومرات
يتصلح كل شي بعد انكمل ..
ونتفق مع رد ميسونه.. كل شي
متوقف على السبب
مشكورخوي محمد ...
والله لايقدر لاحد هذا الموقف
تحياتي,,,,

11/10/2009, 7:22 am

العفو خوي رايك يهمني
صحيت واتريت موضوعي بمرورك

11/10/2009, 1:50 pm

ولو انت صارلك الموقف هدا هل تقبلي تاخديه او انك تنفصلي عليه

او تقبلي بيه وتوا جهي مشاكل كبيره مهدده حياتك حتي قبل ماتبدي

لا ان شاءالله انكملوو مع بعضنا لاني انا اللي بنرتبط بيه اول شي رح انفهمهله

اي شي ايصير بين عائلتينا المفروض ماايأترش على حياتنا سواء ان كان في البدايه او بعدين

وبعدين هو صح سؤال صعب بس موقف مفيد في نفس الوقت هذا ايوضحلك صدق مشاعر خطيبك

اذا كان يبيك صح ومش شايف غيرك او انتي ارخيصه عنده

ولو كانوو الاهل امعارضين نحن انوضحولهم ونوقفوو مع بعض وانفهموهم انها حياتنا ونحن نبوو انكملوها مع بعض

وفي النهايه عالنصيب

وعسى ان تكرهوو شي وهو خير لكم

شكرا مديرنا ع النقاشات السمحه

تقبل مروري

14/10/2009, 8:07 am

العفو سراب صحيتي

14/10/2009, 9:15 am

والله اندير جميع محاولتى مع الاهل لو فرضنا ان صار مشاكل بين العائلتين,واذا منجحتش فى الاصلاح بين العائلتين,فمعناها انا هذا قدرى,لانى منقدرش نطلع من اهلى وندير حاجة مش راضيين عنها حتى شكلك قدام الناس مش صح..!!؟
شكرا محمد.

19/10/2009, 10:49 am

مشكور خوي اولي علي التفاعل

ماذا لو ؟؟؟

ماذا لو ؟؟؟

Re: ماذا لو ؟؟؟

Re: ماذا لو ؟؟؟

Re: ماذا لو ؟؟؟

Re: ماذا لو ؟؟؟

Re: ماذا لو ؟؟؟

Re: ماذا لو ؟؟؟

Re: ماذا لو ؟؟؟

Re: ماذا لو ؟؟؟

Re: ماذا لو ؟؟؟

Re: ماذا لو ؟؟؟

Re: ماذا لو ؟؟؟