احرج العضو اللي بعدك

14/9/2009, 1:34 am

كيفكم اعضاء منتدى مصراته

اليوم جايب لعبة انشاء الله تعجبكم

واللعبة هي :

كل عضو يدخل يكتب سؤال محرج جدا جدا

والشخص الى يدخل وراه يجاوب على السؤال

ويطرح سؤال جديد للى وراه وهكذا.......

وياريت تعجبكم........
سلام

14/9/2009, 5:36 am

ان شاء الله خير حبيبي

سؤالي يلي بعدي

قولي اندل موقف تحس بيه انك حقير

ماطلعش روحك ملائكه كلنا بشر ونغلطو ويلي بعدي ماعنده اجاابه يسيب السؤال لشخص تاني

14/9/2009, 8:32 am

ماعنديش موقف ندل والحمدلله

اوك رح انسيب السؤال للي بعدي

قولي اندل موقف تحس بيه انك حقير ؟؟؟

14/9/2009, 8:39 am

هههههههههههههههه لما صاحبي يسب في واحد ثاني اسحبته عليا اني وبديت انهزب وانسب فيه

مسكين وبعدين خبروني الجماعه

قالولي امبدري ماكانش يسب فيك والله انه موقف بايخ وقعد زاعلمني شهرين

يلي بعدي هل انت الأن في علاقه غراميه هههههههه؟

14/9/2009, 8:50 am

منور محمد والله نورت بجد
منورة سراب على كلامك الذوق
منور ابن مصراته نبي نشكرك بجد لانك درت احلى منتدى بالدنيا كلها
سؤال محرج جدا بس نعم
شنو الحاجةاللي اتتحشم منها ؟

14/9/2009, 8:57 am

اغلب الاوقات متحشمه بعد انكون مع ناس غير اهلي

كم مريت بعلاقه غراميه بحياتك ؟؟؟

14/9/2009, 8:59 am

واجد ههههههههههههه اكثر من صوابع يديك

كم مره هزبك استادك قدام الطلبه؟

14/9/2009, 9:05 am

مش استاذ أبله

مرة وحده بالك عشان انهدرز وفايته الطابور

مشي حصلت هزيبه سمحه حشمتني

كم مرة حصلت درجه ضعيفة في امتحاناتك ؟؟

موضوع روعه خوي عذاب

14/9/2009, 9:13 am

ولا مره الحمدلله

كم مره بكيت على شي نادم عليه ؟؟

14/9/2009, 9:18 am

لا انا الحاجات يلي بكيت عليهن ينعدن علي اليد الواحده وعمري مابكيت علي شئ ندمت عليه

ممكن لاني خدلت شخص عزيز عليا واجد واجد واجد حبيته بكل جوارحي

كم مره كبسوك اهلك درت حاجه مش مزبوطه

14/9/2009, 9:29 am

ولا مره عادي ايكبسوو فيا على حاجات بسيطات بس حاجات مش مزبوطات لا الحمدلله

كم مره سرقت شي ثمين في حياتك ؟؟

14/9/2009, 12:03 pm

مره واحده سرق قلب بنت

هل انت اتنافق من اجل مصلحتك

14/9/2009, 12:53 pm

مش عارف بس ممكن مجامله وهدي مع الكل مش مع الشخص يلي نبي منه حاجه

كم مره كدبت على بنت وقتلها انحبك؟

14/9/2009, 12:59 pm

مره واحده في حياتي

لو طلب منك مدرس تتجسس علي اصحابك علي خاطر رفع درجاتك اديره مع انك محتاج لكل درجه بيش تنجح

14/9/2009, 1:22 pm

لا اكيد انا ماعنديش اي احتكاك بالاساتده

كم مره طلعت بره الحوش من غير رضا اهلك ؟؟؟

14/9/2009, 1:27 pm

واجد مش قصه بلا رضا اهلي بس سيبتهم زعلانين

كم مره تعاركت مع بوك

14/9/2009, 1:31 pm

مش عركه عركه بس زعل بسيط والحمدلله

كم شخص فقدته في حياتك ؟؟؟

14/9/2009, 4:44 pm

ثلاثه

كم وحده حبيت؟

14/9/2009, 5:10 pm

ولا واحد

كم مره رسبت في دراستك ؟؟؟

15/9/2009, 1:58 am

دور تاني مره واحده
في شهاده التانويه العامه زادتلي فيزياء عامه

بس صفيت 76% جيد جدا

تانويه عامه مش تخصصيه ومايطلع منها الا طويل العمر مش توا

تعتقد نفسك انك مالكش اهميه بكل

15/9/2009, 5:06 pm

لالالا الحمد لله محبوب

عمره كبسك أب صاحبتك قدام الحوش وضربك ههههه

15/9/2009, 6:04 pm

لا ليش يضربني اب صاحبتي كان شافني قدام حوش صاحبتي

هل عمرك فكرت تنتحر ؟؟؟

15/9/2009, 6:20 pm

بالبصارة بس لكن كفكرة واني انديرها حقا ؟؟

لالالالالالالالالالالالا

هل تكره حد كنت اتحبه واجد قبل ؟؟

15/9/2009, 6:21 pm

لالا انا مانقدرش نكره ياريتني نعرف نكره

هل عمرك فكرت اتسيب القرايه من جد ؟؟؟

15/9/2009, 6:25 pm

نعم فيه

ما هو الشئ الذي تخاف منه ويجعلك ترتعب ؟؟؟؟؟؟؟

احرج العضو اللي بعدك

احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك

Re: احرج العضو اللي بعدك