الليبيون شعب الله المختار

12/9/2009, 11:38 am

سأل طفل جده:يا جدي هل كلمة ليبي حلال أم حرام؟ فطأطأ الشيخ رأسه وقال:لا هو حرام ولا حلال، بل مكروه يا ولدي.

.
.

الليبيونشعب وجد في أشعار اليونانيين القدماء ، قبل أن تكون لهم حقيقة وجودية ،،،ناقد وناقم على كل شيء حتى الحضارة. والنقد يسبب الجودة لبعض الأشياء، ما عدا النقد الليبي، فهو دائماَ نصف الكوب الفارغ ،،،

تصنيف الليبيين بأنهم شعب الله المختار، لم يأت عن طريق (التتقيز والتشبير)، ولكن لإصرارهم هم على ذلك،،،

.
.

فهم يقولون عن الفراعنة الذين دوخوا العالم بحضارتهم القديمة، يطلقون عليهم أسم (فوالة)، أي أنهم يتناولون الفول بكثرة، وأن المصري لم يخلق إلا لكي يكون عاملا في ليبيا ،،،

أما عن سكان تونس
الخضراء، فهم أكلة لحوم الحصان، رغم أن هذا ليس حراما، إلا أن سعر التونسي
عند الليبيين مثل سعر الإنسان الصحيح في تونس، أي صفر، إذا لم يكن جيبه
منتفخا، أو هو يحمل براميل البنزين في سيارته ،،،أما عن دول المغرب العربي، فإن الليبيين يعتقدون اعتقادا راسخا بأن دول المغرب وجدت على الخريطة فقط لتعديل (كيف ومزاج)المواطن الليبي ،،،

وإذا إتجهنا جنوباَ فإن الحال سوف لن يكون أقل نقدا، فالسودانيون الذين يصدرون التنبلة إلى ليبيا، هم أنفسهم الذين يقول عنهم الليبيون (لا تشتري العبد إلا والعصي معه) ،،،

أما إذا تحركه البوصلة الليبية ناحية الشرق أكثر، فسوف تجد (الزلم)، وهم الشاميون زمان، فكما يقول الليبيون (يا راء)، وهي اختصار لكلمة يا (راجل)، والسودانيون يقولون يا (زول)، فإن أي دولة تستعمل كلمة (زلمي)، وهي صفة للرجل يطلق عليهم الليبيون (زلمية)، وإن كانت هذه الكلمة ليس لها أي معنى سلبي هناك، فإنها تعني في ليبيا أنك أقل مني ،،،

لماذا أقل؟ لا تسألني، لأن الجواب مكرر، فالليبيون شعب الله المختار، ويحق لهم ما لا يحق لغيرهم ،،،

.
.
.

فإذا ،،،
كانت قوة نبتة الخيزران تكمن في مرونتها، فإن قوة المواطن الليبي تكمن في
صلابة عناده، فالعناد عند الليبيين ليست صفة مكتسبة، بل فطرية، فعنزة ولو
طارت ليبية،

فالليبي
يستطيع أن يعاندك بأن الصناعات الثقيلة الغربية أخذت شهرتها على الفاضي،
وأنك إذا دققت جيداَ فسوف تجد خطأ في التصنيع، وأن الغربيين ناس (امسخين)، ديوث، ولا يستنجون، ولا يستبرأون، وأن لهم الدنيا فقط، ولنا نحن جنات تجري من تحتها الأنهار، وحور عين سبعين لكل عبد،

وأسقط كلمة (معتكف)، هذا وهو جالس على (نطع)من
صناعة أمه، أو زوجته في إحدى المربوعات، وهو ينظف أسنانه بعود كبريت،
ويحلف لك بالنبي أو سيدي عبد السلام الاسمر ، أو بالطلاق بالثلاثة من
زوجته، بأننا نستطيع أن نتغلب على اليهود والأمريكان بالدعاء عليهم، وهو
يشاهد أغنية فيديو كليب لفتاة ( لابسه من غير هدوم)،،،

فالليبيون وحدهم يملكون صكوك الغفران ،،،

وهم وحدهم لديهم مقياس التقييم للبشرية أجمعين ،،،

إلا من رحـــم ربي،،،

فهل صحيح أن الليبيين شعب الله المختار؟،،،

12/9/2009, 11:48 am

اكيد نحن شعب عمر المختار و\نفتخر يا محمد

علي موضوعك الروعه تقبل مروري خلود

12/9/2009, 11:55 am

تو يامحمد قصدك الدول الثانيه ماديرش في الجو يلي انديرو فيه

قصدك هم مايستحقروش في الدول الثانيه مش سامع جماعه العصفور يلي سبو المصريين

في اغنيه الراب تبعهم يعني كل واحد يشوف انه بلاده هيا المختاره بس لو ظلو هكي تي والله

ماهم صاير منهم الشعب الأسلامي

المهم تقبل مروري مافيش شعب مختار الا الشعب يلي ينهى عن المنكر ويأمر بالمعروف

12/9/2009, 12:11 pm

خوي حسن انت شو اتقول سامع بالعصفور وكلاش واحد تاني
هما وصلوا حتي في الليبين وسبوا الليبيات
شو تخرط انت وين عايش بس حتي الليبين ردوا عليهم

المهم قصدي من كلامي اني نتكلم علي المكان يلي عايش فيه ويلي ننتمي ليه حاولت انوصل فكره علي واقعنا فهمتني حسونه

13/9/2009, 9:52 am

فإذا ،،،
كانت قوة نبتة الخيزران تكمن في مرونتها، فإن قوة المواطن الليبي تكمن في
صلابة عناده، فالعناد عند الليبيين ليست صفة مكتسبة، بل فطرية، فعنزة ولو
طارت ليبية

وانزيدك خوي حسن عبادي يلي شتم اليبيني بي بكره ابيهم

13/9/2009, 10:04 am

ياحياتي wrote:تو يامحمد قصدك الدول الثانيه ماديرش في الجو يلي انديرو فيه

قصدك هم مايستحقروش في الدول الثانيه مش سامع جماعه العصفور يلي سبو المصريين

في اغنيه الراب تبعهم يعني كل واحد يشوف انه بلاده هيا المختاره بس لو ظلو هكي تي والله

ماهم صاير منهم الشعب الأسلامي

المهم تقبل مروري مافيش شعب مختار الا الشعب يلي ينهى عن المنكر ويأمر بالمعروف

صح لسانك,واضف الى كلامك ان هذه العادة السلبية فى الليبيين ودول الخليج العربي بالذات,والرسول صلي الله عليه وسلم يقول:(لا فرق بين عربيا واعجمى الا بالتقوى والعمل الصالح)

13/9/2009, 10:27 am

مشكور محمد على الموضوع

وانا مع oleوالمدير

13/9/2009, 10:55 am

منور اولي انت وميسوا مشكورين علي المرور

13/9/2009, 11:04 am

^
^
نسيت نقولك مشكور على الموضوع قيم ,واللى يستحق الاطراء..!!؟

13/9/2009, 11:37 am

اني معاك بس اني مش مع عبادي تبعك هذا

اني حبيت انقولك انه مش الليبيين بس هما يلي يستحقرو في غيرهم

13/9/2009, 12:00 pm

شوف خوي حسن العالم المتقدم يستحقر في العرب

والعرب يستحقروا في بعضهم وهكي ماشيه هيا

المهم مشكور خوي اولي علي مرورك

13/9/2009, 9:57 pm

تبي الصراحة يا محمد

والله التونسين في تونس يعاملو فينا ك جهال ما نفهمو شئ

وشكور يا خوي

13/9/2009, 11:34 pm

هما في تونس بس تي في مصر تونس والمغرب والاردن وسوريا والاستحقار يلي في دبي
شو اتقول انت

شيفوا المهم احني عطينا علي روحنا الصوره هدي وانت فاهم ليش خوي شيفوا منور حبيبي علي المشاركه

14/9/2009, 1:30 am

malshaafi wrote:تبي الصراحة يا محمد

والله التونسين في تونس يعاملو فينا ك جهال ما نفهمو شئ

وشكور يا خوي

بالرغم من انى عمرى ما مشيت تونس,بس النقطة هذى سمعت بيها,وسمعت انهم ميتعاملوش مع الليبيين الا بالصوت العالى,واطلاق العبارة القذرة,ككلمة يا همج وهكي,والله شي يقهر..!!؟

14/9/2009, 3:07 am

إلا من رحـــم ربي،،،.....
وزي ماقالت خلود عمر المختار نحنا شعب عمر المختار ......
مشكور محمد وكل الكلام الللي قلته صح ....
منور خوي محمد ....

14/9/2009, 5:47 am

خوي اولي التوانسه معروفين شنهي داهم انا الشئ هدا قلتلك شفته حتي في الاردن وسوريا والامارات حتي في تركيا والمغرب

احني يلي عطيناهم عن نفسنا صوره غلط فهمتني

مشكور علي المرور
خوي عداب واولي منورين يا غوالي

14/9/2009, 6:21 pm

موضوع رائع امنور محمد عليه وشكرا على طرحه والله نحن معامله الغرب المتخلفه اللي ايعاملوو فينا بها

هما ياريته في بلادهم بس هكيس يتعاملووو معانا هما قاعدين عندنا هنا في بلادنا ويضحكوو وهازيين علينا

صحة وجه المفروض يحمدوو ربهم ويشكروو انهم عايشين في نعمه خير من عيشتهم في بلادهم

الله غالب وربي ع الظالم

امنور يامشرفنا العزيز ع الموضوع

تقبل مروري

14/9/2009, 6:32 pm

والله شر البلية مايضحك ..

مشكور خوي محمد عالموضوع

مابطلت لين قريته كله

الليبيون شعب الله المختار 51960

نبي نفهم شن محتواه الموضوع

تقبل مروري

الليبيون شعب الله المختار 251784

15/9/2009, 8:08 am

مشكور محمد على الموضوع القيم

تقبل مروري

15/9/2009, 1:24 pm

يا شوشو شكله طبعك من طبعي المواضيع الطويله صعب نقراه للاخير الا الموضوع يلي شدني
ههههههههههههه
الحال من بعضه
صار

المهم
شوش المقصود ن الموضوع من الاخير الجمل مايبرقش في عوج رقبته

فاهمتيه المتل هدا شو معناه

15/9/2009, 3:06 pm

ايه فاهمته

شكرا عالتوضيح ..

تقبل مروري

16/9/2009, 12:50 pm

عفو انا في الخدمه

الليبيون شعب الله المختار

الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار

Re: الليبيون شعب الله المختار