بدت عكسيه راجل بقى خاتم في يد وليه

السلام عليكم

هذا اقوى فقره ...

سى اميمته اللى في بطنها حملاته
تسعه شهور أطوال مش شويه
أنسى أيام كان صغير في قماطه
في غمرها من الصبح للعشيه
أنسى أيام كيف تبدلو خطواته
وهى تقوله ديدش وليدي هيا
أنسى أيام كان لصدرها ضماته
حنان الامومه ماهناكش زيه
أنسى أيام كان مرض ماسباته
للصبح سهرانه حذاه وحيه
انسى كلما دارت وما عناته
مشى في مهب الريح ريح قويه
يخططلها ويعيد في حساباته
وقال توا برقدلها الميه
وزاد قال بمفهوم عباراته ان هالعزوز منكدتها عليا
بنرماها في برويطه الساعة ثلاثة
وجودها معاد ينفع بيا
وألا بضربه قاضيه مواته
ونردمها وننفض من التراب ايديا
واندير روحي دمعتي فلأته
ويبدو العزايا ايعز فيا
كأن العزوز بوذنها سمعاته
عرفت آن ناويلها ع السيه


وين بر الوالدين

والمشكله هذا اللي صاير توا

استغفر الله الذي لا اله الا هو الحي القيوم اتوب اليه

... الجنه تحت اقدام الامهات...

مشكووووووره مصراتيه عالقصيده الحلوه والله قطعتلي قلبي :(

بس مشكوره هذا الواقع

موفقه اوخيتي سلام

خزيه علي الراجل زي هكي
والله مايجي راجل بكل

مشكوره مصراتيه

فعلا الامور بدت عكسيه اخت مصراتيه وكل شئ واضح

تحياتي تقبلي مروري خلوووووووووووووووود

والله للاسف ناس واجدين تغيرو بعد الزواج,وهذا اللى مخوف الواحد من الزواج يقول هذوما مسحورين شن مشكلتهم مش عارف,وان شاء الله ما نكون خاتم فى يد ولية,ومتنكتبش عليا..!!؟
شكرا مصراتية عسل.

ايوه كوكتيل يعني

معناها بلجئووو للكاتلوج امتاع زمان

هههههههههههههههههههه مازال قاعد هو



انا ريحت مكااااانه~~~ كلا شوفيه لنا بالكـ نزلوا حاجات أسماااااح