منتديات ليبيا


منتديات ليبيا

منتديات ليبيا,مصراته,مصراتة,ليبيا,طرابلس,بنغازي,شات,دردشة,زاوية,زليتن,البيضاء
 
HomeRegisterLog in
Latest topics
-------
عداد الزوار
---------------- <><>


Share | 
 

 نـــــــــــــــــــا اللــــي غـــلــطــــان

Go down 
AuthorMessage
estabraqfaraman



avatar

المدينة : مصراته
الجنس : Female
المشاركات : 126
النقاط : 2509
تاريخ الميلاد : 1989-07-24
تاريخ التسجيل : 2012-09-14

PostSubject: نـــــــــــــــــــا اللــــي غـــلــطــــان   12/6/2014, 11:41 am

نـــــــــــــــــــا اللــــي غـــلــطــــان ،،، [You must be registered and logged in to see this link.][You must be registered and logged in to see this link.]وقلت ماتنهان
ماشي كلامك ... نـــــــــــــــــــا اللــــي غـــلــطــــان

ماشــــي جمــيـــع كـلامـــــــــــــــك ،،،، نساك خاطري هانك وهان ايامك

لايــريد قربـــك ولايـريــد غــرامــك ،،،، لايـــريد ودك ولايــريد حنـــــان

بدا خاطري حافظ جميع أفلامــــــــك ،،،، أفلام مخرجك مستهلكات أتبــان

خلاص شيلني من خاطرك وأحلامك ،،،، عول علي النسيان والهــجــران


طـــــاح أقــنــاعـــــــــــــــــــــــك ،،،، وبان الخفي عالعين بان أخداعك

تحسابني خاتــم رهيــن أصباعـــك ،،،، لاوراس راســك مانــروم هوان

بصاعين وأزيـــادة انــرده صاعـك ،،،، عزيــز نفــس خالقني الله سبحان

أنفوتك ومانقرب عفا مرباعـــــــك ،،،، حتي أنــكــانـي محتاجلك شرقان

جميل شكل لاكن خاربات أطباعك ،،،، ولــطـبـاع قبل الشكل فـالأنـسـان


طـــاح ألحـــافــــــــــــــــــــــــك ،،،، واليوم عالحقيقه شين عـقلي شافك

عاريات مافيــهــن أوراق اعرافك ،،،، ذابــــل ويابــس عــود ليـك زمان

كاذب علــيـــك أموهمك عرافــك ،،،، قــالــك بــلاك أتـلـفنــي لـكـفـــان

تغير أحساسي من خطاك وعافك ،،،، مـــايحــس منــك دفــئ لا أمـــان

عالرف راكنهن جمـيــع أمــلافك ،،،، في أرشيف الحياة وقفلت هالبيبان


أبعـــد بعـــيـــد علــــــــــــــــــي ،،،، الله يسعـــدك مانــريد منك شــي

ولاعــد غلاك اليـوم يشغــل فـي ،،،، بــعــد الجفــا والهجــر منك بان

ولاتهمني شاقي أو كـنـت هنـــي ،،،، ولا تهمـنـي رويـان لاعطـــشـان

ولاتهمــني مدفــون والاّ حـــــي ،،،، أن مش فالحقيقـة متـت فالأذهان

طاب خاطري منك نفضت أيدي ،،،، وأحــنـــا اليوم واللي كان راح فكان


نـــــــــــــــــــا اللــــي غـــلــطــــان ،،، [You must be registered and logged in to see this link.][You must be registered and logged in to see this link.]وقلت ماتنهان

ماشي كلامك ... نـــــــــــــــــــا اللــــي غـــلــطــــان
Back to top Go down
View user profile
 
نـــــــــــــــــــا اللــــي غـــلــطــــان
Back to top 
Page 1 of 1

Permissions in this forum:You cannot reply to topics in this forum
منتديات ليبيا :: الآدب والتراث والفنون :: الشعر الشعبي-
Jump to: