Torrents Games



Share
Go down
avatar



المدينة : مصراته
الجنس : Female
المشاركات : 126
النقاط : 2599
تاريخ الميلاد : 1989-07-24
تاريخ التسجيل : 2012-09-14
View user profile

عـــــــــادي عــــــــــــادي

on 20/11/2013, 10:38 am
عـــــــــادي عــــــــــــادي
اليوم خوتنا ايقولولنا الزبادي
خدينا علي التلقيح ...
عــــــــادي عــــــــــــادي ..........................
قالوا علينا ايهود
وقالوا اتراك ومالناش اجدود
ونسوا ايام ايقربع البارود
مالقوش في الميدان كيف اولادي
ايهدوا علي النيران هد اُسُود
لا ايشدهم دبـَّـاب لا الجرادي
واليوم فضلي فليبيا مجحود
وهو في سبيل الله كان جهادي
عــــــــــــادي عــــــــــــادي ........................................................
قالوا البخاخات
وقالوا عليا بلاد مغتصبات
وقالوا اندس في سموم ونفايات
في تراب وطني اللي فدوه اجدادي
ونسوا رجال الحق في الجبهات
رجال صقعهم تبرور وحرهم صرهادي
نسوا اللي شهداي أولوفات
وجرحى ومبتورين لاجل بلادي
ومفقود اشبح حي والا مات
وامه اللي لليوم فيه تنادي
عـــــــــــادي عـــــــــــــادي ........................................................
وزادوا عليا السيّة
وقالوا عليا رابعة الليبية
اندزّ في السلاح لرابعة المصرية
بواخر اتهدّ للقاهرة ياكبادي!!!
الله يرحم ..نسوها المليونية
ايام انتلقّى في لهيب الصادي
يوم جاهدوا في بار العزيزية
رقص ورديح لسيدهم..ياسيادي
باعوا الوطن وقبضوا الخمسمية
وتو..كلهم ثوار..عادي عادي
عـــــــــــادي عـــــــــــــادي .......................................................
مش معقولة!!!
قالوا انعرقل في قيام الدولة!!!
اني في النظام امسطّرة الأمثولة
مافيش كيف أمني ولا اقتصادي
لكن كلام الحسد ماانصبّوله
خليه يزوي كيف ريح الوادي
اللي ايسبني انديروا عليه الحولة
حسنات جن وذنوب عدن غادي
ماايهمني نبح الحسود وقوله
التاريخ سجّــل...مـــوت ياحسادي
عـــــــــــادي عــــــــــــادي
avatar
مد

مد
المدينة : طرابلس
الجنس : Male
المشاركات : 189
النقاط : 2914
تاريخ الميلاد : 1987-10-10
تاريخ التسجيل : 2012-03-07
View user profile

Re: عـــــــــادي عــــــــــــادي

on 21/11/2013, 3:52 pm
ربى  يهدى سر الجميع
مشكورة استبرق
Back to top
Permissions in this forum:
You cannot reply to topics in this forum