Torrents Games



Share
Go down
avatar



المدينة : طرابلس
الجنس : Female
المشاركات : 31
النقاط : 2002
تاريخ الميلاد : 1995-09-17
تاريخ التسجيل : 2013-05-07
View user profile

إتصدّق لعْنـــادك حنيت ..

on 10/8/2013, 1:38 pm
اهداء خاص

 إتصدّق لعْنـــادك حنيت .. أدموع بكيت .. ليالى فيها النوم جفيت .
أتصدّق .. !!

أتصدَق لعْـــــــــنادك مشتاق .. أنريـــد أعْناق ... مرايف وأريـــــــــافى حرّاق
بلاك الخاطــــر جَــوّه ضاق .. الفـــرح نهيت .. إمعايا وقــــــــت إللى عدِّيت
إنريدك يـــــــا روح الخفـّاق .. إمعـــاك بنيت .. أحلامى والدمعـــــــه واريت
أنتـــا نبْـــــــعى هللى دفـّاق .. العُمـر رويت .. إبــ حنـــــــك فيما فات عطيت
إمرايف ليّــــــــــــام النقناق .. ورب البـــيت .. إنحبّك مهــــــما إمعاىْ جنيت
ونحلــف حــتى إيمين طلاق .. إنـِّــــى حبِّيت .. أوصـــــــــافك يا بوعين فليت
نقيّه ماهــى لــــــون أزواق .. إبْهــــا حاييت .. حياتى ليــــــــــها النور هديت
وضحْكـن مَنْ دارن رقراق .. إهموم رميت ... ورايا وقــــــــــت إللى طلـّيت
أتصدّق مــــا عدْ لىْ مراق .. النـــار زويت .. أبْجفْوك مـــــــــــا بانى هدِّيت
تخِيــــــــده لو طوّل لفراق .. ومـــــا ردِّيت .. أفهمْها لـــــيّا الموت نويت
أبسيفك تبدا صــدرى شاق .. وهـيـك محيت .. أوجاعى من هجـــــرك داويت

أتصدّق ..

أتصدّق لُــــــــو قتلك ملهوف .. وديمــــه خوف .. إنريد أسْمك بالعــين إنشوف
فراقك خـــــــــــَّلانى مهفوف .. هبيــــل صفيت .. إنحــاكـى فى حالى لُو ريت
إنريدك يا ســـــــاكن فالجوف .. الخَـمَسْ غريت .. وعنهن فالمشـــــوار جريت
أرجـع عاود بـأحوالى روف .. العُمـــــر دميت .. أثماره بالمعكـــــوس جنيت
ضحيه رانـــــى بين أظروف .. أبــــــها شاكيت .. المولى وقـــــــتـًا نا صلـِّيت
أرجعْ عاود وأعملْ معروف .. إمعـــــاك بريت .. إجروحــى وأفـراحى شدِّيت
إمرايـــف واللــــه مخطوف .. كرهت الويت .. أشفافى مالحســــره عظـِّيت
عشقتك دون إنحق أوصُوف .. إفـْ وآن حكــيت .. إمعايا وأسمـــــــــــايا ناديت
أبقيت أرضك بالحن إنطوف .. وليـــــــها جيت .. إمسلـَمْ بالخمـــــــسه صبِّيت
سحرنى منـك كوم أحروف .. إبْـــــــها خشـِّيت .. مدارى وإنجــــــومى تمِّيت
اليوم حالـــــى جدًا معيوف .. بــــــــلاك بديت .. شبيه الهبـــــره وسط الزيت

أتصدق ..

أتصدّق لـُــــو قتلك شاريك .. حياتـــــــى بين إيديك هديه
بكل إللــــــــى نملك نفديك .. إنتا رانك مسكـــــون الريه
مالـــى فالدنـــــــيا خاطيك .. ولا لىْ دونــــــــك فيها نيه
بعنـــــــــادك نـا ميّت فيك .. ربيّه جــــــــــود ضنا بيتيه
مرايف ليـــــك وليك وليك .. أنأكـــــــــــدها ميّـه بالميه
وربى سبحـــــــانه عاطيك .. وصايف رسّـــــن جوّه فيّا
لكن ندعيـــــــــــله يهديك .. أتروف أتـــــرد البهجه ليّا
جافينى ونـــــــا دوم نبيك .. قريبــــى نيــــن أتحِين منيه
ما أتفـارقنـى لا أنخاطيك .. ولا لحـــــــظه تجفاك إيديه
أتصدّق نــــا رانى ناويك .. حلالى لــــــو واتت قسميه
وديمه دعـايا الملقى بيك .. إنكان رضَـــوْ عنـِّى ولْديه
حالف فى عمرى إنهنيك .. أبكل إللى نقـــــدر وأشويه
إتراعيـنى وآنا إنراعيك .. إنعيشـــــوا بين أسنين هنيه
تزعل منـِّــى وإنراضيك .. ونزعــــل وإنتا أتحن عليّا
إنعيشوا ديمه هيك وهيك .. سعــاده عن جــــدْ وجديه
أتصدّق مشـتاق إنحاكيك .. أشـــــتاقن لحروفك وذنيه

مرايف يا محبوب عليك .. أسماك طريت ..إفـْ جوفى بحروفك حسِّيت .
أتصدّق .. لعْنادك حنيت .. أدموع بكيت ..ليالى فيها النوم جفيت .
أتصدّق .

منقول
avatar



المدينة : مصراته
الجنس : Female
المشاركات : 126
النقاط : 2599
تاريخ الميلاد : 1989-07-24
تاريخ التسجيل : 2012-09-14
View user profile

Re: إتصدّق لعْنـــادك حنيت ..

on 13/8/2013, 12:54 pm
س س س س س س سمحه
avatar



المدينة : أخرى
الجنس : Male
المشاركات : 43
النقاط : 1985
تاريخ الميلاد : 1988-01-15
تاريخ التسجيل : 2013-06-22
View user profile

Re: إتصدّق لعْنـــادك حنيت ..

on 13/8/2013, 1:27 pm
تى خيره الحب كله عرايك ومشاكل
لكن الباين جو
ههههههههههه
شكرا ماجدولين
avatar
مد

مد
المدينة : طرابلس
الجنس : Male
المشاركات : 189
النقاط : 2914
تاريخ الميلاد : 1987-10-10
تاريخ التسجيل : 2012-03-07
View user profile

Re: إتصدّق لعْنـــادك حنيت ..

on 14/8/2013, 12:04 pm
روعة ماجدولين
زعمة اهداء لمن
Back to top
Permissions in this forum:
You cannot reply to topics in this forum