قصيدة أولاد اليوم

العطله يالاصحاب قريب
ومنها جاي امتحانات
اوخيك لايحفظ لايجيب
مسائل ولا عماليات
وفي الكوره ايلعب تلعيب
وفني في سواقة الموطوات
ولا المغرب مرات انغيب
وامي قالت شورا مات
ونجلب فيه تجليب ومافيهيش افرينوات
غدوه الامتحان صعيب
انجليزي مع رياضيات
اوخيك عابي عالتحجيب
من الطلبه ومن الكتابات
نكتب عالكم وعالجيب
وشخشيري فيه اوريقات
وذراعي محصن تحصين
وفي صدري درت احجابات
واليوم الامتحان صعيب
جلسنا وبدت الاجابات
الطلبة قالوا شي غريب
مسهيلة الامتحانات
هم سهروا وقروا نصيب
ونا ماحليت اكتابات
انفنص في اللي حداي قريب
نبي انلقط منه اكليمات
الأستاذ كان لي قريب
نظرلي بعيونه نظرات
فنص فيا بشكل غريب
وجاني مسرع في الخطوات
خذا البيرو الاحمر من الجيب
علي الورقه دار اشارات
قعدت حاير فكري بيغيب
من عيوني نزلن دمعات
ومر علي اسبوع عطيب
حزين وعالنت انبات
نبي روحي انحصل ترتيب
ونلقي معاي خمس احليقات



شوشو ماتقوليش الموضوع امعاود

منور قصي

مشكورة

باهي اللي عجبكم شي يا شوشو ومحمد كويس بكل في مني آمل انطول معاكم في المنتدي

منوره خلود

مش مطلوب منك تكتب شي ريح روحك

نعم؟؟؟؟؟

كيف ماقريت افهم

نوني مش هكي الكلام وتوا نقعد نرد عليك رد قوي نحرجك

لاكن باهي

كيف مايجيك الوقت وكيف ماقالت شووشو قول باهي لين يجي النساكفي
ههههههههههههههههههههههههههههههههههههههههه

********************************



عدل من قبل محمد

هههههههههههههه جو متكهرب فكوها حلويات كنكم

عفوا نسيت نشكرك نوني ع الشعر الحلو

خيرني بسم الله
انا علقت علي الموضوع عادي هيا يلي جايه متحسسه مني كاني درتلها شئ